Popular Bible Verses from Gen 17

Share

Kwathi uAbrama eseleminyaka engamatshumi aficamunwemunye lesificamunwemunye iNkosi yabonakala kuye, yathi kuye: NginguNkulunkulu uSomandla; hamba phambi kwami, ungasoleki.

Ibizo lakho kalisayikuba nguAbrama, kodwa ibizo lakho selizakuba nguAbrahama, ngoba ngikwenzile ukuba ube ngukhokho wezizwe ezinengi.

Ngizamisa isivumelwano sami phakathi kwami lawe, lenzalo yakho emva kwakho ezizukulwaneni zayo, isivumelwano esingapheliyo sokuba ngibe nguNkulunkulu wakho lowenzalo yakho emva kwakho.

esithi: Nansi isivumelwano sami lawe; uzakuba ngukhokho wezizwe ezinengi.

UNkulunkulu wathi: Atshi, uSara umkakho uzakukuzalela indodana; uzakuyitha ibizo uthi nguIsaka; ngizakumisa isivumelwano sami laye kanye lenzalo yakhe emva kwakhe sibe yisivumelwano esingapheliyo.

Ngizakunika wena lenzalo yakho emva kwakho ilizwe ohlala kilo, lonke ilizwe laseKanani libe yilifa elingapheliyo; ngizakuba nguNkulunkulu wabo.

UAbrahama wasesiwa ngobuso, wahleka, wathi enhliziyweni yakhe: Oleminyaka elikhulu uzazalelwa umntwana na? LoSara oleminyaka engamatshumi aficamunwemunye uzakuzala na?

UNkulunkulu wathi kuAbrahama: Mayelana loSarayi umkakho, ibizo lakhe kalisayikuba nguSarayi, kodwa selizakuba nguSara.

Lizakusoka kube yisibonakaliso sesivumelwano phakathi kwami lani.

Kodwa isivumelwano sami ngizakusimisa loIsaka, uSara azakukuzalela yena ngalesisikhathi nyakenye.

Ezizukulwaneni zenu yilowo lalowo owesilisa olensuku ezificaminwembili uzakusokwa, kanye lenceku ezizelwe endlini yakho lezithengiweyo ngemali kowezizwe ezingesizo zenzalo yakho. Ozelwe endlini yakho lothengiweyo ngemali bamele basokwe. Isivumelwano sami sizakuba senyameni yenu, sibe yisivumelwano esingapheliyo.