Popular Bible Verses from Luka 6

Share

Phanini, lani lizakuphiwa; lizakuphiwa esandleni isilinganiso esihle, sigqitshiwe, sahlukuzwa, sigcwele sithe kliki; ngoba ngesilinganiso elilinganisa ngaso lani lizakulinganiselwa ngaso.

Umuntu omuhle uveza okuhle enothweni enhle yenhliziyo yakhe, lomuntu omubi uveza okubi enothweni yakhe embi; ngoba umlomo wakhe ukhuluma ngokugcwala kwenhliziyo.

Kodwa thandani izitha zenu, lenze okuhle, leboleke, lingalindeli mvuzo; lomvuzo wenu uzakuba mkhulu, libe ngabantwana boPhezukonke, ngoba yena ulobubele kwabangabongiyo lababi.

Wobani lesihawu, njengoYihlo ulesihawu.

Lingahluleli ukuze lingahlulelwa, lingalahli ukuze lingalahlwa; thethelelani, lani lizakuthethelelwa.

Kodwa ngithi kini elizwayo: Thandani izitha zenu, lenze okuhle kwabalizondayo, libusise abalithukayo, likhulekele bona abaliphatha kubi.

Njengalokho lithanda ukuba abantu benze kini, yenzani njalo kibo.

Okutshaya esihlathini, umphendulele esinye; lokwamuka ingubo yakho, ungali lesigqoko sakho. Umuphe ilowo lalowo ocela kuwe; lokwamuka impahla yakho, ungabuyi uyibize kuye.

Kasikho isihlahla esihle esithela isithelo esibi; futhi kasikho isihlahla esibi esithela isithelo esihle.

Ngoba ileso laleso isihlahla saziwa ngesithelo saso. Kakuselwa umkhiwa emeveni, futhi kakukhiwa isithelo sevini evikaneni.