Popular Bible Verses from Luke 3

Share

Soðlice wæs geworðan þa eall þæt folc wæs gefullod ⁊þam hælende gefulloden ⁊gebiddenden. heofene wæs geopened ⁊se halga gast astah lichamlicere ansyna on hine swa an culfre ⁊stefne wæs of heofene geworðan ⁊þus cwæð. Ðu ert min gecorena sune on þe me gelikeð.

Ða andswerede Iohannes heom eallen seggenden. Witodlice ic eow an watere fullige. Soðlice kymð strengre þanne ich; þas ich nem wurðe þæt ich hys scoþwang uncnytte. Heo eow fulled on halgen gaste ⁊on fyre.

Doð eornestlice deadbote wæstmes ⁊ne onginnen ge cweðen. we hæbbed us to fader abraham. Ich segge eow þæt god is swa mihtig þæt he maig of þisen stanen abrahames bearn aweccan.

Nu ys syo æx asett. to þas treowas wirtrumen. Witodlice ælch treow þe ne brincd godne wæstme beoð forcorfan ⁊on fyr aworpen.

swa hit awriten ys on ysaias bech þas witegan. Clepiende stefn on westene. gegarewiað drihtenes weig dod his siðas rihte. Ælch dane beoð gefeld ⁊ælch munt ⁊beorh beoð geniðered ⁊þwuru beoð on gerihte ⁊ungerydu on smeðe weges. ⁊ælc flæsc gesihð godes hæle.