Popular Bible Verses from مَتَّى 18

Share

عَشان في المَحَل الإتلَمّو فيهو إتنين ولّا تلاتَه بِإسمي، أنا بَكون هِناك في وَسِطُم.“

الحَق أقول ليكُم تاني إذا إتنين مِنَّكُم يَتَّفِقو عَلى الأرض في أي شي بِطلُبوهو، بِكون ليهُم مِن أبوي الفي السَّما.

و نادى ليهو وَلَد، و وَقَّفو في وَسطُم و قال: ”الحَق أقول ليكُم، إذا ما بِتَرجَعو و تَكونو زي الأولاد، ما بِتَدخُلو مَلَكوت السَّما أبَداً.

اليَخُت نَفسو تِحِت زي الوَلَد دا، هو الأكبَر في مَلَكوت السَّما.

و البِقبَل وَلَد واحِد زي دا بِإسمي، بِقبَلني أنا.

الحَق أقول ليكُم، كُل الإنتو تَربُطوهو عَلى الأرض بِكون الكان مَربوط في السَّما. و كُل التَّفِكّوهو عَلى الأرض بِكون الكان مَفكوك في السَّما.

و كَمان أبوي بيَعمِل زي دا لِكُلّو واحِد مِنَّكُم إذا ما يَغفِر لِأخوهو مِن قَلبو.“

و لَكِن اليَكون سَبَب الخَطيَّه لِواحِد مِن الأولاد الصُّغار ديل البِصَدِّقو بي، أحسَن ليهو إذا يَربُطو حَجَرَه مُرحاكَه كَبيرَه في رَقَبتو و بِرموهو في البَحَر، و بِغرَق فيهو.

تَفتَكِرو شِنو؟ إذا كان زول عِندو مِيَّة خَروف، و ضَلّا واحِد مِنَّهُم، هو ما يَخَلّي التِّسعَه و التِّسعين عَلى الجِّبال و يَمرُق يَفَتِّش عَلى الواحِد الضال؟