Popular Bible Verses from YASFADOCI LOKU 18

Share

Chena u kvlolvhi pamrtuwawa ini wvyaci wvhsi grgikviu mvmrtumalici, macimi wvhsi tagi srqalamulici

Macimi Mvnatu hv mvtv wa hvlutvmv-wrli u mvmrwanvli, ma-mvwimakuci gesagi macimi tapahgi, macimi gawvgi inv bami vhqi bonalamrci nihi? Gi talapwv nelv, inv wah qvqi vlutvwvhi nihi. Pvyaqv, ina inv u Qihfvli ilani birta, hv wa mkv dapwah-sawa ini usgi-drmkugi?

Pvyaqv inv, Nili wiahi ma-tvyaciwafi-wrci ilaneki kvtvwvtwili Mvnatu, iwvpi.

Macimi inv mvtv si taha mr-lrkvsi : pvyaqv mviuhqrci iwvpi lrmagi weiv, Waghi mvtv ni kufv Mvnatu, mvtv nuhgi ni mvkufalamv ilani; pvyaqv xvga ni pat-fvghaqv yrmv sekvwi-iqa, na hvlutvmvwv inv, belapa u mosv-tvwi birwa ni huci luhkvchaqv.

Tapilo gi talapwv nelv, goqanafvgrci mvtv brsi vpaluhfafv wah si utvhpanv ini ugimrwi-drmkumi Mvnatu, mvtv inv wah wiahisi becfa ’n’tvsi, iwvpi.

Pvyaqv Jesise uta hutvhpi-mvhi nihi, Welrni nihki vpaluhfafvki bialutvwi-wrta, macimi tagi kutajahku : xvga nihgen welvwv ini ugimrwi-drmkumi Mvnatu.

Macimi Jesise, Hutfakulu gi tapinvm-owa; gi dapwahsawa gi mahci wrpvnas-haku, u talrli.

Macimi Jesise, Gociwa gelv uwasi gi tasini? mvtvlrqv uwasi, waciwaphi nakuti, Mvnatu inv.