Popular Bible Verses from لوقا 6

Share

بێین تا وەپێدان بیەرێید. پەێمانەێگ پڕ، تەپیاێ، تەکان دریاێ و سەرڕێژ ڕشێیده داواندان! چوینکه وەگەرد هەر پەێمانەێگ که بێین، وەگەرد هەر ئەو پەێمانه درێیده پێدان.»

ئایەم خاس وه خەزانەی خاس دڵی، خاسێ وه بار تیەرێ و ئایەم خراو وه خەزانەی خراو دڵی، خراوی. چوینکه زوان له ئەو چشته ئویشێ که دڵ له لێ نیقەڵتوزه.

وەلێ ئیوه، دشمەنیلدان دوس بیاشتون و وەپێان خاسێ بکەن و قەرد بێەنه پێان و ئی ئمیده نیاشتون که له لێان بسینینێەو، چوینکه پاداشدان فره گەوراس و بوینه ڕوڵەێ خوداێ هەربەرز، چوینکه ئەوه وەگەرد ناسپاسیل و بەدکارەیل، مێرەبانه.

جا وه بەزەیی بون، هەر ئەوجورە که باوگدان وه بەزەیێه.

«داوەری نەکەن تا داوەری نەکرێین. ماکوم نەکەن تا ماکوم نوین. بوەخشن تا بوەخشرێن.

«وەلێ ئێ کەسیلێ که گوش دینه لێم، وەپێدان ئویشم دشمەنیل خوەدانیش دوس بیاشتون و وه ئەوانه که قینێانه لێدان تێ، خاسێ بکەن. ئەڕا هەر کەس که نووڕدان کرد بەەرکەت بتوان و هەر کەس که ئازاردان دا ئەڕاێ دوعای خیر بکەن.

ڕێ رەوشتدان وەگەرد مەردم هەر ئەوجورە بود که تواین وەگەرددانەو بکرێد.

ئەگەر کەسێ چەپاڵەی دا ناو گوش ڕاسد، ئەولادیش ئەڕاێ بگر. ئەگەر کەسێ بەتیەگەد له وەرد دەر هاورد، شەویەگەدیش بیه پێ. ئەگەر کەسێگ داواێ چشتێ له لێد کرد، بیه پێ، ئەگەریش وه زور ماڵد برد، له لێ داواێ مەکه.

«هویچ دار خاسێگ، میوەێ خراو نێده دەس و هویچ دار خراوێگ، میوەێ خاس نێده دەس.

هەر دارێگ وه میوەگەێ تویەنێ بناسێ. نه له دڕگ تویەنێ هەنجیر بچنی و نه له تویڕگ، تویەنێ ئەنگویر بچنی!