Popular Bible Verses from لوقا 8

Share

وەلێ تویەمیلی که کەفنه ناو زەوی خاس، کەسیلێگن کەڵام خودا وەگەرد دڵ پاک و خاس شنەفن و خوێان پارێزنن، بەردەوام مینن و بەر تیەرن.

تویەمیلی که کەفنه ناو دڕگیل، کەسیلێگن که کەڵام خودا شنەفن، وەلێ وەختێ ڕێ خوێان چن، نگرانییل و دەوڵەمەنی و خوەشییل زنەیی خنکنێدیان و بەر نیەتیەرن.

تویەمیلی که کەفنه ناو زەوی کوچگین کەسیلێگن وەختێ کەڵام شنەفن، وه شادی قەبوڵێ کەن وەلێ کەڵام وەناوێان ریشه نیەکوتێ. ئیانه زەمان کەمێ ئیمان دێرن، وەلێ له وەخت ئەزمون، له ئیمان کەفن.

ئمجا وەپێان وەت: «ئیماندان ها کو؟» شاگردیل وه ترسەو سەریان سڕ مەنوی و وه یەکترەکی پرسیان: «ئیه کیه که تەنانەت وه وا و ئاو فەرمان دێ و له لێ فەرمان بەن.»

تویەمیلی که کەفنه ناو ڕێ، کەسیلێگن کەڵام شنەفن، وەلێ ئبلیس تێد و له دڵیان دەرێ تیەرێ بێدێ، تا نەتویەنن ئیمان بارن و نجات پەێا بکەن.

چوینکه هویچ چشتێ شاریایەو نیه ئاشکرا نود و هویچ چشتێ نقوم نیه مالوم و دیار نود.

ئەو ژنه وەختێ دی نیەتویەنی بشاریدێەو، وه ترس و لەرزەو هاته نوای و کەفته مل پاێ، وه نوای گشتیەکی وەت وه چ بونەێ دەس داسه قێ و چوی زویزی شەفا پەێا کردێه. عیسا وەپێ وەت: «دویەتەگەم، ئیماند شەفاد داس. وه سڵامەت بچو.»

شاگردیل چینه ئەڕا لاێ عیسا و هەڵێسانن. وەتن: «ماموستا، ماموستا، دێریم له بین چیمن!» عیسا هەڵساد و تەشەری داده وا و تافیل دەریاچەگه. توفان تەمام بی و ئاشاسێگ بەرقرار بی.