Popular Bible Verses from مَرقُس 13

Share

گردِ آدَمِن چمن نومی خونِه شِمَکا نیفرَت بَداشتین؛ اَمّا هَرکم تا آخیر تاو بوعَر، نیجات بَگَتی.

پس هوش و بیدار بِبَه، اِمی خونه کن شمَه نینَّموست اَ زَمان کَینی آرَرَست.

هَر وَقت شِمَه ویلاخِنیشونَه و دادگا را دَراکِنیشون، نارتَر تَفشیش دَنِگِنَه کن چِه بواجَه، بَسکم هَر چیی کن اَموقه کا بَشِمَه عطا بَه، هَی بواجَه، اِمی خونِه کن گَف اَژَن شِمَه نینَّه، بَلکَم خدا موقَدسَه روحَه.

آستامون و زمین نیفیت آنَّب، ولی چمن گَفِن هَرگز نیفیت آنینَّب.

«غَیراَز آستامونیَه دَدَ هیچ‌ کَم اَ روج و ساعَتی نییَموست؛ حتی آستامونیَه فرشتَه اِن و زوعَه نی اَیکا خَبر نِدارِن.

وَقتی جَنگون خونِه دَرَستِرون و جَنگون شایَعَه شمَه گوش آرَرَست، تَتَّه وَسَّه کا دَنِگِنَه، اِنتَرَ ایتفاقِن پی دَگِنِن، ولی هَنوزَنی دِنیا آخیر آرَستَه نیَه.

پس شِمَه نی بیدار بومونَه، اِمی خونه کن شِمَه نینَّموست کن کَه صاحیب چه وقتیکا بومَیَه، شَویرا یا نیمَه شَویرا، سوکَه خونی موقِه یا ایسبی رِشونیکا. نِکَرِ اَ ایکَرَایی با و بِوینِه کن شِمَه خِتیرون. اَچیی کن شِمَه باتیم، گِردیرا باتیمَه: بیدار بِبَه!»

اِمی خونه کن میلَّتی دییَرَ میلَّتی زِرَبَرا و حِکومتی دییَرَ حِکومتی زِرَبَرا راست آنَّب. دِنیا مُختَلیفَه جگا اونکا بومَه لَرزَ بومَیَه و قَحطی بَبیَه. ولی اِمِن هِنتَه زَندِ داجی شِروو بِه شیوارین کن داجون فاصیلَه هَی کم و کمتَر بببیَه.

اَوّلیکا پی خدا پادیشایی خَشَه خَبَر گِردِ میلَتونرا اییلام ببو.

خَیلیِن چمن نومینَه بومَنَه و باتینَه، ”اَز هَه ایمَه“ و خَیلیون گمراه بکَنَه.

«ولی شِمَه، اِشتَن خونِه حواسِرون ببو، اِمی خونه کن بَشِمَه دادگا اون تحویل دَرِن و عیبادَتگا اونکا بَژَنَه و چمن خونِه والییون و پادیشاهون نَ کا پا بَمَندیرون تا چَوون ناریکا شَهادَت بدَرَ.

اِمی خونه کن دروعَه مَسیحِن و دروعَه پَیغمبَرِن بومَن، و اِنتَرَ نِشونَه اِن اَیر بَکَن و موعجیزَاِن اَنجوم دَرِن تا اَگَم بشان، بَرگُزیدَاون گُمرا بِکَن.

«ولی اَ روجون دِلَکا، اَ مصیبَتی بَه دوملَه، «”آختاو تاریک آرَب و مانگ دِ شَپَق نیَژ. اِسترَاِن آستامونیکا وینَّب. و آستامونی اینجارِن بَلَرزِستینَه.“