Popular Bible Verses from Jon 14

Share

“Namalngi gimi nuhu kandok le uterororong. Nana nante niah namaskani uterororong niah kandok lelen. Nat baskak tenga tapmak goah tarut at li uruu ramaskani. Rongnan nokommi man ba kapmaan. Bi kan bamtaji tean.

Jisas balu ini bep nuhu, “Nana nante ah nambi hal, bi nambi mwetaknga, bi nambi masan. Aji man ba van nga ben Tadat tigoah man bapma bawo tenga bek.

Jisas bep mini non tarutni nuhu, “Rongnan nokomi nemba kapmaan. Karu vihni mwetaknganan God bi nevihni mwetaknga nak tedapmak.

Ba Bejimmi niah Tabite Kokon, niah Tadat manesro le hak ba mansesra gimi i leut seranae. Man leli ba kan vihni lenga mwetani vehuranni niah nat vep mini gimi.

“Aji ah mwelep gogo nok dalek telingling bi mamko lin, ba aji nanong mwegololo i nana. Bi Tadat man mwegololo i aji nanong niah mwegololo i nana. Bi nanmu mwegololo i aji nanong, bi nesesra nana mini.”

Nan uhleli i Tadat nuhu manesro karuan Bejimmi niah Tabite Kokon nan mwetanga. Niah mandok bemi mulngan man bulong. Tarut at li uruu ba ran ba lepgogo nga u gonani rat ba kita nga bi rat baililngi nga. Ba gimi kamaililngi gonani mwidi bemi bi modok le gimi.

Nan leli apma mini gimi ah kan uhleli le hak, metan goah nan sesra meresan non Tadat, niah nambi Nujun. Apma nannga ah kan uhleli le hak ba nanlel radanaini mini gimi.”

“Tigoah kan mwegololo i nana, ba karumko mini nok dalek telingling.

Ut halkawu lengleng leiman Tadat, ba namu ban neleli ut u gimi. Nambat ba vep nga mini gimi tigoah bat baite mwetaknga nga.

Limalen goah nanlel sera ut u gimi ba nan mulma bi neli gimi ban ut ah namdok iginan. Metan goah ut ah namdok iginan ba gimi kandok naiginan.

Tomas bep mini nuhu, “Subu, katbaililngi halan ut iginan nga. Manei gavak nagoah kamaneililngi halan ut iginan?”