Popular Bible Verses from บราเกะ ลารี 11

Share

ตูฮัด บือซัยํ เดะ อาตัซ_ มือเลา ฌางัน มูซา จะ “กู นะ บาวา ลาฆู ฌาฮานัม มาแรฮ_ กะ ราฌา ฟาโร ฌางัน ลูมอฮ อียิบ_ ซา ฌือแนฮ ลาฆี_ ลือปัซ อีตู_ ราฌา ฟาโร นะ ปลือปัซ ลูมอฮ กาเญา_ บรี ตรือเบะ เดะ ตือปัจ อีนี. ซูโงฮ เลอ_ กาลา ญา ปลือปัซ_ นะ โปรฮ ลูมอฮ กาเญา ปี ซือกาลี.

โกะ ลูมอฮ นานะ ซูโลก ซือมูฮา_ เดะ นังฆรี อียิบ_ ตะเดะ นานะ ซูโลก นะ ราฌา ฟาโร_ นู อาดา เดะ ตือปัจ ดูโดะ นะ ราฌา_ ปี ฌู รอจ กะ นานะ ซูโลก นะ โกะ ปราโซฮ นีบีนี_ นู กีซัย ฆาโนก_ เตด จะ นานะ ซูโลก นะ โกะ บือนาตัก ซือมูฮา ฌูฆา_ นะ ฆาโดฮ มาตี ฮาบิฮ. กะฆีเตอ_ นะ อาดา ลาฆู มือนาแงฮ บือปาโตด_ ปี ราตา เดะ นังฆรี อียิบ_ บือกะ นู เตด ดือละ อาดา เดะ กาลา ดูลู_ นู นะ ฮอย ดัฮ_ เดะ กาลา โซะ ฮือลด ฌูฆา.’

กะฆีเตอ ตูฮัด บือซัยํ เดะ อาตัซ_ มือเลา กะ มูซา จะ “ราฌา ฟาโร นะ เตด มือนีงัย กะ เกา_ บีดา ลาฆู ปือและ นะ กู นะ บือเลฮ บือตามัฮ ปูลัก เดะ นังฆรี อียิบ.”