Popular Bible Verses from บราเกะ ลารี 7

Share

ตูฮัด บือซัยํ เดะ อาตัซ มือเลา ฌางัน มูซา จะ “ลีฮัจ เลอ_ กู ตืองะ เกา ฌาดี บือกะ ตูฮัด บรี กะ ราฌา ฟาโร. อาโรน_ กากา เดะ เกา เตอ_ นะ ฌาดี ซือมียา ตูโดฮ ปือมือเลา นะ ตูฮัด ฆาตี เกา.

ตาปี กู นะ บูวัจ บรี ฟาโร ตือฆัยํ ฮาตี_ บีดา กู นะ บูวัจ ปือนานา ลาฆู ปือและ_ บรี บาญะ โตระ_ เดะ นังฆรี อียิบ. ฟาโร นะ เตด มือนีงัย กะ เกา_ กะฆีเตอ กู นะ ตืองะ ตางัน นะ กู_ อาตัซ นังฆรี อียิบ_ บาวา ลูมอฮ อิซราเอน_ ลูมอฮ ซือมียา นะ กู_ ตรือเบะ เดะ นังฆรี อียิบ_ ฌางัน ลาฆู มือฆัฮ นู บือซัยํ โตระ

ลูมอฮ อียิบ นะ ตาฮู จะ_ กู ฌาดี ตูฮัด บือซัยํ เดะ อาตัซ_ กาลา นู กู นะ อาเงา ตางัน บือปรัก ฌางัน นังฆรี อียิบ_ บาวา ลูมอฮ อิซราเอน ตรือเบะ เดะ ซามา ตืองัฮ ลูมอฮ กูญา.”

โซะ ฟาโร เตอ_ ญา บลาโลก ซือมียา ปานัย อากัน_ ฌางัน โกะ ลูมอฮ ซือมียา บรูบัจ อาเย ลือมู มาแรฮ. ลูมอฮ กูญา_ ฌาดี ลูมอฮ ซือมียา บือฆูรู นะ นังฆรี อียิบ_ กูญา บูวัจ บือเลฮ ซือรูปา ฌูฆา_ ฌางัน ลาฆู อากัน นู ปือและ นะ กูญา กาลา กูญา ซิกมาซิก ปาคัจ ตูโฮะ ตูกัจ_ บูวัจ บรี ตูกัจ อีตู ฌาดี อูลัยํ. ตาปี ตูกัจ นะ อาโรน ตือลัด ตูกัจ นะ กูญา ฮาบิฮ

ตูฮัด บือซัยํ เดะ อาตัซ มือเลา กะฆีนี จะ “กรานา ลาฆู ปือบูวัจ กะฆีนี เลอ_ เกา นะ ตาฮู จะ_ กู ฌาดี ตูฮัด บือซัยํ เดะ อาตัซ.” ลีฮัจ เลอ_ กู นะ อาเมด ตูกัจ นู อาดา เดะ ตางัน เตอ_ กาเตาะ อาเย เดะ ซูงัย นัยละ_ อาเย เดะ อีตู นะ ฌาดี ดารัฮ.

“กาลา ฟาโร ญา ปือซัด กาเญา จะ_ ‘กือนา บูวัจ ลาฆู ปือและ_ บรี กู ตาฮู จะ_ กาเญา ฌาดี ซาปา’_ เกา กือนา มือเลา ฌางัน อาโรน จะ_ ‘อาเมด ตูกัจ นะ เกา_ ตูโฮะ โซะ ฮือลด มูคา นะ ฟาโร. ตูกัจ อีตู นะ ฌาดี อูลัยํ.’ ” กะฆีเตอ_ มูซา ฌางัน อาโรน_ มาโซะ ปี ซารี ฟาโร_ บูวัจ บือกะ นู ตูฮัด บือซัยํ เดะ อาตัซ บือเลฮ ซูโรฮ ดัฮ. อาโรน โปด_ ญา ตูโฮะ ตูกัจ นะ ญา_ โซะ ฮือลด มูคา นะ ฟาโร_ ฌางัน ลูมอฮ ซือมียา ซัยํบือซัยํ นะ ญา. กายู อีตู โปด_ ฌาดี อูลัยํ.