Popular Bible Verses from ลามูลา 41

Share

โยเซบ ตีกัฮ กะ ราฌา ฟาโร_ จะ_ “กู ตะอาซิก โปด_ อูฆัย ลาฆู มีปี กะฆีนี_ เตด ตาฮู. ตาปี ตูฮัด บือซัยํ เดะ อาตัซ_ นะ ตีกัฮ กะ ราฌา ฟาโร_ บือกะ ราฌา ซูกา นะ ตาฮู.”

โซะ ราฌา ฟาโร มือเลา ฌางัน กูญา จะ_ “กีตา นะ ดาปัจ ซือมียา_ นู บาฌิ กะฆีนี_ ปัจ ดีฮา?_ ซือมียา อีนี เลอ_ อาดา ซือมืองัจ นะ ตูฮัด_ ดูโดะ เดะ ดาลับ ฮาตี นะ ญา.”

กะฆีเตอ_ ราฌา ฟาโร มือเลา ฌางัน โยเซบ จะ_ “นู ตูฮัด บือเลฮ บูวัจ บรี เกา ลีฮัจ บือฆารี ลาฆู อีนี ซือมูฮา_ กะฆีเตอ_ ฮอย ซือมียา อาซิก ดัฮ_ นู นะ บรีงัจ บาฌิ_ ปานัย อากัน_ ซือรูปา กะ เกา กะฆีนี. เกา เลอ_ นะ ปือบือลา บาลัย นะ กู. ลูมอฮ ซือมียา เดะ นังฆรี นะ กู_ ซือมูฮา_ กือนา ตูโรจ ปือมือซัด นะ เกา เลอ. กู นะ บือซัยํ ลือเบฮ เดะ เกา_ แนฮ ซา ลาฆู เตอ_ นู กู ซา อูรัก เลอ_ นะ ดูโดะ เดะ ปาปัด กรือซี ตือปัจ ดูโดะ นะ ราฌา”_ ญา จะ.

นานะ นู มาโซะ กะ ดูวา ญา บรี ปือนามา จะ_ เอฟราอิม ญา มือเลา จะ_ “ตูฮัด บูวัจ บรี กู อาดา นานะ บาญะ เดะ นังฆรี ตือปัจ นู กู กือนา ลาฆู ซูซัฮ ปายัฮ ดัฮ.”

โยเซบ บรี นานะ ซูโลก ปือนามา จะ_ มานาเซฮ. ญา มือเลา จะ_ “ตูฮัด บูวัจ บรี กู ลูปา ลาฆู ซูซัฮ ปายัฮ นะ กู ซือมูฮา_ ลูปา ลูมอฮ บือแนฮ นะ อาโปก ฌูฆา.”