Popular Bible Verses from ลูกา 11

Share

กาเญา เตอ_ มีเซ จะ ฌาดี ซือมียา บือดูซา_ ตาปี ตาฮู นะ บรี บือนา นู บาฌิ_ กะ นานะ นะ กาเญา. กะฆีเตอ_ บาญะ ลือเบฮ เดะ อีตู_ อาโปก นู โซะ อาตัซ ลาแงะ_ ญา นะ บรี ซือมืองัจ นะ ตูฮัด กะ ซือมียา นู มีตา เดะ ญา เลอ.” เยซู ญา จะ.

“กะฆีเตอ_ กู มือเลา ฌางัน กาเญา จะ_ กือนา มีตา_ บารู ญา นะ บรี กะ กาเญา_ กือนา ซารี_ บารู นะ ดาปัจ_ กือนา บลาโลก เดะ ปีตู_ บารู ญา นะ บูกา บรี.

ซาเบะ จะ_ ราตา ซือมียา นู มีตา_ ญา นะ บือเลฮ_ ราตา ซือมียา นู ซารี_ ญา นะ ดาปัจ_ ราตา ซือมียา นู บลาโลก เดะ ปีตู_ ปีตู นะ บูกา บรี กะ ญา เลอ.

กะฆีเตอ_ เยซู ญา มือเลา ฌางัน กูญา จะ_ “วะตู บือซาโวจ เตอ_ กือนา มือเลา จะ_ “ ‘โอ ตูฮัด_ อาโปก นะ กามี มีตา บรี ปือนามา นะ เกา_ ฌาดี ปือนามา นู บาฌิ บือซรี เลอ. มีตา บรี ตูฮัด นะ ปือบือลา_ ฌาดี ราฌา เดะ ดือนียา อีนี เลอ.

มีตา บรี ตูฮัด อาเกะ ดูซา นะ กามี_ ซาเบะ กามี อาเกะ ซาลัฮ นะ โกะ ซือมียา ซือมูฮา_ นู บูวัจ กะ กามี ดัฮ. ฌางัน บรี กามี นะ กือนา บืออาฌะ บูวัจ ดูซา.’ ”

มีตา ซือบารัก นู กามี บือคานะ นะ มากัด_ เดะ บีลัก อารี เลอ.

มาตา นะ เกา ฌาดี ซือรูปา ปลีตา เดะ ญาวา เลอ. วะตู มาตา นะ เกา จรัฮ บาฌิ_ ญาวา นะ เกา โปด_ นะ จรัฮ บาฌิ ซือมูฮา ฌูฆา. ตาปี วะตู มาตา นะ เกา บูตา_ ญาวา นะ เกา โปด_ นะ กือลับ ฮาบิฮ เลอ.

เยซู มือเลา ปูลัก_ จะ “ฮอย ซือมียา ดีฮา_ ตานา จูโจฮ ปลีตา ดัฮ_ นะ ตืองะ ตาโรฮ โซะ ตือปัจ ลีนง_ เฆอ จะ_ เดะ บาวัฮ เตง เตอ. ตาปี ตืองะ ปลีตา อีตู โซะ อาตัซ ซือลีแป_ บีดา โกะ ซือมียา นู มาโซะ มาแรฮ_ นะ ลีฮัจ ซายา_ บือฆารี ซัฮ.