Popular Bible Verses from ลูกา 2

Share

เดะ อารี อีนี เลอ_ เดะ ตูโปะ นะ ราฌา ดาวิด_ อาดา ซือมียา นู ตูโลก กาเญา บรี ฮีโดะ ลือปัซ บาฌิ เตอ_ ญา ดูโดะ เดะ อาปี ดัฮ. ญา เตอ_ ฌาดี ราฌา นู บรี ซือลามัจ ฌาดี ตูฮัด เตอ เลอ.

ตาปี ฮูลู บาลัก อีตู_ ญา มือเลา ฌางัน กูญา จะ_ “ฌางัน ตาโกจ เลอ. นี เลอ_ กู อาดา บรีตา นู บาฌิ_ นะ มือญาเระ กะ กาเญา_ นะ บรี ลูมอฮ ซือมียา ซือมูฮา_ นะ ซูกา ฮาตี โตระ.

“ปูฌี เลอ กะ ตูฮัด บือซัยํ_ นู ดูโดะ โซะ อาตัซ ลาแงะ_ นู ตีงี ซูโงฮ เลอ. ซือนัง ซือลามัจ เลอ_ ลูมอฮ ซือมียา เดะ ดือนียา_ นู ตูฮัด ปีเลฮ ดัฮ.”

กะฆีเตอ_ เยซู ญา บือซัยํ ดัฮ_ ฌางัน ญาวา_ ฌางัน อากัน. ลาฆู นะ ญา_ ตูฮัด ญา ซูกา. โกะ ซือมียา โปด_ ซูกา ฌูฆา เลอ.

กาเญา นะ ดาปัจ นานะ ดือมิ อีตู_ อาดา กาเยด ปอจๆ บาโลจ เดะ ญาวา_ ตีโนะ เดะ ปาโลก เลอ. กะฆีเตอ กาเญา นะ ตาฮู จะ_ ลาฆู อีนี ฌาดี ลาฆู ซูโงฮ เลอ.” ญา จะ.

เดะ โซะ นังฆรี อีตู_ อาดา ลูมอฮ ซือมียา ปือบือลา กาเมก_ กูญา ดูโดะ เดะ ปาดัก โซะ ลูวัยํ นังฆรี_ ฌาฆา ตูงู กาวัด กาเมก นะ กูญา โซะ มาลับ. อาดา ฮูลู บาลัก นะ ตูฮัด ซืออูรัก_ ญา มาแรฮ ปลีฮัจ กะ กูญา. นู บือซายา บือซรี นะ ตูฮัด_ ซูโลฮ จรัฮ กือลีลิก กูญา. กะฆีเตอ_ กูญา ตือกือฌุจ_ ตาโกจ ซูโงฮ เลอ.