Popular Bible Verses from มาระโก 9

Share

กะฆีเตอ_ เยซู มือเลา ฌางัน ญา จะ_ “บูกัด ฌาดี ลาฆู_ นู กู บูวัจ บือเลฮ_ เตด บือเลฮ เลอ. ตาปี โซะ ซือมียา นู ปือจายา เตอ_ ซือมูฮา เลอ_ บูวัจ บือเลฮ ฮาปา.”

ดัดดัด อีตู_ ปะ เดะ นานะ อีตู บือซูระ_ มือเลา จะ_ “กู ปือจายา ดัฮ เลอ_ ตาปี ปือจายา เตด ปือนอฮ. มีตา บือตามัฮ_ บรี กู ปือจายา_ ปือนอฮ เดะ ฮาตี เลอ.”

ตานา เยซู มาโซะ รูมัฮ ดัฮ_ โกะ มูเระ นะ ญา_ มาแรฮ ซา กูญา_ ตาญา ญา จะ_ “บูวัจ นามา_ ลูมอฮ กามี โปรฮ ฮาตู อีตู_ เตด บือเลฮ ดัฮ?” กะฆีเตอ เยซู ตีกัฮ กะ กูญา จะ_ “ฮาตู มาจับ อีนี_ โปรฮ เตด บือเลฮ ลาลู_ กะ ฮอย ลาฆู บือซาโวจ.”

ฆารับ เตอ_ ฌาดี ซือบารัก นู บาฌิ_ ตาปี กะ ฮอย มาเซด ดัฮ เตอ_ นะ บรี มาเซด ปูลัก_ บือเลฮ กะฮามี เลอ? กะฆีเตอ_ บรี กาเญา บือฆารับ เดะ ฮาตี_ บรี กาเญา ดูโดะ บือปาคัจ บือบาฌิ-บาฌิ.” ญา จะ.

“ซือมียา ดีฮา นู ซาโมจ นานะ ดือมิ กะฆีนี_ ซืออูรัก_ กรานา ปือนามา นะ กู_ ซือรูปา ซือมียา อีตู ซาโมจ กู ดัฮ. ซือมียา ดีฮา นู ซาโมจ กู เตอ_ บูกัด ญา ซาโมจ กู ซืออูรัก_ ตาปี ญา ซาโมจ ตูฮัด_ นู ซูโรฮ กู มาแรฮ ฌูฆา.” ญา จะ.

กะฆีเตอ_ กู มือเลา ฌางัน กาเญา_ ลาฆู นู ซูโงฮ จะ_ ซือมียา ดีฮา_ นู ฮาฆิ อาเย โอะ กะ กาเญา_ ซือเจาะ โปด_ ซาเบะ กาเญา ตูโรจ กะ ราฌา นู บรี ซือลามัจ เตอ_ ซือมียา อีตู เลอ_ นะ ปูตุซ บาฮาเฆด นะ ญา_ ฮอย เตด บือเลฮ.” ญา จะ.

กะฆีเตอ_ เยซู มือเลา จะ_ “ซือมียา ดีฮา นู บูวัจ บรี นานะ ดือมิ ซืออูรัก_ นู ปือจายา กะ กู_ นะ บรี ญา ซาลัฮ ฌาลัด เตอ_ ดัฮ อาเมด บาตู ฆีลิก ตือโปก นู บือซัยํ_ มาแรฮ ซาโกจ เดะ ลีเฮ นะ ญา เตอ_ บือปี ปือตาลับ บูวัก เดะ ลาโวจ โปด_ บาฌิ เลอ.

“กาเลา จะ มาตา นะ เกา_ บูวัจ บรี เกา ซาลัฮ ดัฮ_ มาตา อีตู เตอ_ เกา กือนา จูเกน บือตรือเบะ เลอ. นู เกา นะ มาโซะ รอจ กะ ดือนียา บารู นู ตูฮัด ฌาดี ราฌา บูตา ซือบือลัฮ โปด_ บาฌิ เดะ อาดา มาตา ดูวา บือลัฮ_ ตาปี นะ กือนา บูวัก กะ นอรากา.