Popular Bible Verses from SAN LUCAS 10

Share

Jeꞌ aj reꞌ chacoj rehtal i wili: Reꞌ hin xniyew chic awajawric tak chi maꞌxta bih eticuchej tak take maꞌ tob laj uxlabal. Ruꞌum aj reꞌ chayakꞌabej pan awo̱k tak chiꞌnchel chꞌuk wach cajawric maꞌ tob laj uxlabal, jeꞌ ricab chi paꞌalca̱t ta nak tak china̱ jenoꞌ a̱kꞌ on china̱ jenoꞌ tzinaꞌj.

Reꞌ Jesus jeꞌ wili ricꞌuꞌljic xiban: «Hat Ma̱rta, kꞌe̱ꞌ hat kꞌuhtel eh maꞌ suk ta chic wilca̱t ruꞌum riqꞌuihal alahtzꞌil xachih wach ribanaric. Reꞌ hat xa jeꞌ woꞌ reꞌ cꞌahchiꞌ abanam to̱b ta nchel xa jenaj woꞌ nak i kꞌe̱ꞌ ajwal wach chi na̱banam reꞌ jeꞌ ricab xichih wach ribanaric i Mari̱ya. Jeꞌ aj reꞌ ru̱cꞌ xichih wach ribanaric i Mari̱ya, reꞌ hin maꞌ eta nipit, nqui Jesus reh Ma̱rta.

Reꞌ winak reꞌreꞌ, jeꞌ wili xikꞌor: «Reꞌ wili rikꞌor ar: “Reꞌ hat-tak ra̱ꞌ riꞌsil cho maꞌ Israhel tiꞌ chawicꞌraj tak i Ajabe̱s Dios reꞌ nalokꞌej tak wach. Til chacꞌax tak ru̱cꞌ chiꞌnchel acꞌux tak, ru̱cꞌ chiꞌnchel awa̱mna tak, ru̱cꞌ chiꞌnchel awansil tak eh jeꞌ woꞌ reꞌ ru̱cꞌ chiꞌnchel acapew-bal tak. Chacꞌax woꞌ awas acha̱kꞌ jeꞌ ricab ricꞌaxaric awi̱b naꞌn i hat, nqui tzꞌihmbimaj, nqui reh Jesus.

Jeꞌ aj wili xikꞌor je queh naxiꞌo̱j: «Reꞌ hat-tak maꞌ nicꞌ ta hat-tak qꞌuihal chi enacuy tak ransil quicꞌuhbaljic i riqꞌuihal tinamit na̱wojic tak wi̱ꞌ. Ruꞌum aj reꞌ chapahkaj tak johtok reh Dios chi eriyew cho aman tak chi cꞌuhbalanic, jeꞌ ricab ncaꞌn take aj jacho̱l junseht ok chi rinimal abi̱x nanquilow chi maꞌ quimahnic ta chic ruꞌum chi nechꞌ ti take chi jach, nquipahkaj reh aj ehcham abi̱x chi naritakꞌa̱b je quiman chi jach.

«Yuꞌna kꞌuruꞌ chakꞌor wi̱n acapew-bal i hat: Hab wach queh xib chi winak reꞌreꞌ til manlic ras richa̱kꞌ i winak reꞌ xkꞌeteric pa ribe̱h cuꞌum aj lekꞌ? nqui Jesus reh. —Reꞌ nicapaj i hin chi reꞌ woꞌ xquetelenic wach i winak reꞌ xkꞌeteric pa ribe̱h cuꞌum aj lekꞌ, reꞌreꞌ til manlic ras richa̱kꞌ, nqui aj tijem ri̱j cꞌuhbal reꞌreꞌ. —Coric xakꞌor. Jeꞌ aj reꞌ ruꞌ hiy i hat cu̱cꞌ awas acha̱kꞌ eh nacharak jenoꞌ wilic pan tiꞌquilal chaꞌn chi awas acha̱kꞌ woꞌ i winak reꞌreꞌ jeꞌ ricab xiban i winak aj sama̱rya, nqui Jesus naxicohlaj kꞌoric ru̱cꞌ.

Jeꞌ woꞌ chapahkaj atobjic tak reh Dios maj reꞌ cꞌahchiꞌca̱t nitakꞌa̱b tak je wi̱ꞌ hin kꞌe̱ꞌ yohbal, xa jeꞌ na ricab naquiꞌo̱j chi behic take cu̱cꞌ me̱ꞌ reꞌ wilque̱b wi̱ꞌ take joskꞌ laj qꞌuiche̱ꞌ tzꞌiꞌ. Hiy tak kꞌuruꞌ