Popular Bible Verses from Kitaaba Seera Dadaa 32

Share

Achiin duuba namichi, «Ati Waaqaa fi nama woliin wodhaantoo qabattee injifatteerta; tanaaf, haganaa achi maqaan keeti Israa'el jedhamuu ti malee, Yaaqoob hin jedhamin» jedhe.

Achiin duuba namichi, Yaaqoobiin, «Boruun dayya'aaraa, na lakkis!» jedhe. Yaaqoob ammoo, «Yoo na eebbitte malee, ani si hin lakkisu!» jedheen.

Inni ammoo qofuu hafe. Achiin duuba nami tokko dhufee haga boruun dayya'utti Yaaqoob woliin wodhaantoo qabate.

Yaaqoobille, «Ani Waaqa fuula kiyya duratti dhaggee, haga ammaa jiru'uun jira» jedhe; tanaaf maqaa addee sanii, «Pheeni'el» jedhee moggaase.

Namichi sun akka dande'ee Yaaqoob hin injifanne yennaa dhagge, luqqee Yaaqoobii dhowe; Yaaqoobille adoo isaa woliin wodhaantoo qabatuu kurreen Yaaqoobii buqqaate.

Maarre namichi, «Maqaan keeti eennu?» jedhee gaafate. Innille deebisee, «Maqaan kiyya Yaaqoob» jedhe.

Achiin duuba Yaaqoob, namichaan, «Maganne'ee maqaa keeti natti himi!» jedhee isa gaafate. Inni ammoo, «Maqaa kiyya maaf gaafatta?» jedhee, achitti isa eebbise.

Gadhi-laafumma'aa fi addatamummaan ati ana tajaajilaa keetitti mudhitte sun, naaf hin malle; yennaa qaraa ulee malee, ani womaa qabadhee laga Yordaanosii hin buune; amma golii lama tana woliin deebi'eera.

Yaaqoob namicha woliin wodhaantoo qabatuun, namichi foon kurree luqqee isaa irraa waan dhoweef, Israa'elooti haga adhaa foon kurree luqqee irraa hin nyaatanu.

Achiin duuba Yaaqoob daadimatee, «Ee, Waaqa akaakoo kiyya Abrahaamii, Waaqa abbaa kiyya Yisihaqii naa dhage'i! Sittuu, ‹Biyya keetitti, fira keetitti deebi'i; anille waan dansaa si'iif hin godha› anaan jedhe.

Inni dhufee ana, haadhoti'ii fi ijoollee hin ijjeesa fa'a jedhee waan sodaadheef, ati harka obboleessa kiyya Esaawuu jalaa akka na baachu si gaafadha.