Popular Bible Verses from GENESIS 24

Share

Oo‐oo dush keëkedoo, O Jehovah waKesha‐Muhnedoowemik nindoogemaum Abraham, kepahgoosanemin chewedookahweyun noongoom kezheguk, kuhya wahbunduhewan kahgate shahwanemud nindoogemaum Abraham.

Mahnoo tahpuhgummeähyahmahgud owh ooshkenegequa oo‐oo kaënug, Puhgedinun kenebenahdahgun kepahgoosanemin, chemenequayaun; kishpin dush oo‐oo ekedood, Menequan, kuhya ningahmenuhaug kepequahwegunemug: mesuh owh kahwuhwanahbuhmud chewewemegood kebuhmeetahgunun Isaacun; me dush kaöonjekekanduhmaun kagate keshahwanemud nindoogemaum.

Isaac dush oogepeendigahnaun Rebekahun emuh oowegwaumening oogeebuneen Sarahun, oogeöodahpenaun dush Rebekahun, kewedegamaud dush enewh; oogesahgeäun dush: Isaac dush kemenoodaäah kekushkandungebun oonje oogeebuneen.

Oogemenoo‐guhnoonahwaun Rebekahun oo‐oo‐keënahwaud, Kedow nindahwamahnaun, mahnoo kegahoogeemigoog nebewah duhching keche‐metauswauk ahnishenahbag, mahnoo kuhya kenejahnesug oogahdebandahnahwah oodishquaundamene enewh shaunganemegoowahjin.

Kegahenin dush chetuhgoowenud owh Jehovah, wakesha‐muhnedookundung gezhig kuhya uhkee, mushkahwewahween‐dahmahgayun, cheöondenuhmahwahsewud ningwis kawedegamahjin equawun, pazhig enewh oodahnissewaun egewh Canaanitug, ayahjig emuh anduhnuhkeeyaun: Kegahezhah suh emuh uhkeeng kahoondahdezeyaun, kuhya ahyahwaud nindenuhwamahgunug, me dush ewede kaöondenuhmahwud nigwis Isaac kawedegamahjin.