Popular Bible Verses from GENESIS 6

Share

Jehovah dush keminjenahwayandum keöozheäud enenewun emuh uhkeeng, kuhya oogemegooshkahjedaäshkahgoon ewh.

¶ Kesha‐Muhnedoo dush oogewahbundaun azhekeche-mujjeëzhewabezenid enenewun emuh uhkeeng, kuhya uhpena mujjeëzhewabudenig kuhkenuh oonahnahgahdahwanduhmoowinene azhenahnahgahdahwanduhmenid emuh oodaëning.

Noah dush ween keminwandahgooze anahsuhmid Jehovah.

¶ Mesuh oo‐oo kahezhebemahdezid Noah; Kequuhyukwahdeze owh Noah kuhya kekeche‐minwandahgooze emuh oobemahdezewining, Noah dush oogewedoosamaun enewh Kesha‐Muhnedoon.

Oo‐oo dush keëkedoo Jehovah, Ningahkahseäh enene kahoozheüg oonje oogeduhkummig; enene, kuhya ahwasee, kuhya pabahmoodad, kuhya babahmesajig emuh mezhuh‐gezhigoong; neminjenahwayandum mah keöozheügwah.

Kepuhgummeähyahmahgud dush uhpe enenewug kahmahje‐meshenoowaud emuh anegookookummegaug uhkeeng, kuhya uhpe kahnegetuhmoowindwah wadahnesemindjin. Egewh wagwissemegoojig Kesha‐Muhnedoon oogewahbuhmahwaun enewh wadahnesemegoonejin enenewun chequuhnaujewenid; kuhya oogewedegamahwaun kuhkenuh kahminwanemahwahjin. Jehovah dush keëkedoo, kahween kahgenig ninjechaug oogahweekoojeähseen enenewun, weyausewe mah ween; pooch kayahbe ningoodwauk duhsoo pepoon ahshe neezhtuhnuh tahbemahdeze. Keähyahwug dush mesahbag emuh uhkeeng ewh uhpe; bahmah dush uhpe egewh wagwissemegoojig Kesha Muhnedoon kahweedegamahwaud enewh wadahnesemegoonejin enenewun, kuhya kahnegetahmahgoowaud ahbenoojeün, egewh ahbenooojeyug kenetahwugewug chekeche‐mushkahwezewaud kata‐ahnishenahbag, kekeche‐kekandahgoozewug dush.

Noah dush oo‐oo keëzhechega; debishkoo kuhkenuh menik kahegood Kesha‐Muhnedoon, mesuh kahezhechegad.

Kesha‐Muhnedoo dush oo‐oo oogeënaun Noahun, Ahzhe nindenahkoonega cheïshquah‐bemahdezewaud kuhkenuh wahyausewejig; uhkeeng mah mooshkenamahgud mujje‐doodahgawin wenuhwah oonje; benuh dush, ningahbahnahjeäug wenuhwah kuhya ewh uhkee.

¶ Umba oozhetuhmahzoon keche‐nahbequaun gopher metig kaähwud; ahbenahsoowinun kegahoozhetoonun emuh nahbequauning, kuhya kegahpegekahdaun peendoonug kuhya oogedoonug.

Kesha‐Muhnedoo dush oogeguhnuhwahbundaun uhkee, benuh dush kekuhgwahnessugge‐mujje‐ezhewabud; kuhkenuh mah wahyausewejig oogekuhgwahnesugetoonahwah oodezhewabezewinewah emuh uhkeeng.

Kuhya anduchewaud kuhkenuh bamahdezejig wahyahsewejig, naneezh kegahpoozeäug emuh nahbequauning, chebemahjeüdwah; tahnahbaähyahahwewug kuhya tahnoozhaähyah-ahwewug.