Popular Bible Verses from Aphutna 17

Share

Abram chu kum 99 a ni han, Zehova chu Abram kōma a hong anlang a, a kōma, “Koi hi Āthōtheikiarpū Pathian kā nī, ka makunga kal chōi tānla, bāiankhamluia om ro.

Na raming hi Abram anti lāi nō ni, tenchu na raming chu Abraham nī'n ti, asik chu nang hi nam tamtak pā āni ranga kei na sin kēng a ni zei.

Koi, nang lē na nūka na chi ngāi, a khūk alā hong rang ngāi kongkāra, tāituona ka dānkhit chu manding ka ting. Nang lē na nūka na chī alā hong tir rang ngāi Pathian kei ni na ranga.

“Entā, ka dānkhit chu nang le kēng, nang chu nam tamtak pā chang in na ti.

Hatuka Pathianin, “Ni mak, na thāinū Sara'n nāipasal na mazirpē in ti, a raming chu Isak phuo na ti. Ama lē ama suona āhong rang a chi ngāi le han, ka dānkhit chu tāituon dānkhit le phun ka ting.

Nang lē na nūka na khūk ngāi kōma, na khuolzin una ram, Kanān ram dōra chu, tāituona dōngluo ranga na pēk u ka ting. Koi chu amāni Pathian ni ka ting,” a tī na.

Hatuka Abraham chu anbok a, a malung sūnga: “Kum 100 ākāi suo pasalin nāipasal nei ni mo? Kum 90 ākāi suo nupang Sara'n nāipasal nei ni mo?” tīna annī na.

Hatuka Pathianin Abraham a kōma: “Na thāinū Sarai chu a raming Sarai ti nō ta ni, tenchu a raming Sara nī'n ti.

Na taksāna servun chu ser nei tan u rang a ni. Hivā hi koi lē nangni kongkāra dānkhit andangna chu nī'n ti.

Tenchu Sara'n, na ranga nakum hivā hun taka ei na mazirpē rang, Isak le han ka dānkhit chu phun ka ting,” a tī na.

Akhūk akhūka na kār una nī riat mī pasal chu a ser ei āntan rang. Na ina ānzir mī mo ole na chī ni lui ramtei mī kōm ātā sum le ānchōk mo, ser ei āntan rang. Na ina ānzir mī mo ole na sum le ānchōk mī mo nī rase, ser ei āntan ngēt rang. Ka dānkhit chu na taksā una tāituon dānkhit chang in ti.