Popular Bible Verses from Zohan 4

Share

Pathian chu Rathā a ni, ama ābiak tak chu rathā lē ataka ei biak rang a nāng,” a tī na.

Tenchu hun a hong āsuok rang a ni zei, atun len a hong āsuok kēng a ni zei, ataka ābiak ngāiin Pā chu Rathā lē ataka biak u'n ti. Asik chu Pā'n hava anga ābiak ngāi kēng ei ravān.

Tenchu tūkareng tī nēk rang kei pēk tak chu anrāl pial lāi nō ni. Tenchu a kōma tī kei pēk rang chu amāna han tinār achanga, tāituon damna ranga hong luong in ti,” a tī na.

Isuo'n ama kōma, “Pathian phāmpēk lē ‘tī nēk rang na pēk ro,’ na kōma anā tipū hi riat tānla chu, ama kōma zongin na ti ba. Hatuka amā'n damna tī chu na pēk in ti ba,” a tī na.

Isuo'n a kōm u na, “Anā tīrpū ei zōt āthō lē a sin āzui hi kēng koi ka ranga nēksāk.

Nupangin a kōma, “Ka pū, a luokna ītē dōn mak chē, tikhur chu ānthūk a ni. Hanle hova nātā mo hava damna tī ha nei man?

Nupangin a kōma, “Mesia ei hong rang chu ka riat,” (Khristā āntī ha). “Ama chu a hong tikle, amā'n aloma na ril in ti,” a tī na. Isuo'n a kōma, “Nang a na chongpui hi ama kā ni zei,” a tī na.

“Hong u ta, ka sinthō dōra a na rilpē zit mī khat chu hong en u ta. Ama hi Khristā a ni mo thei?” a tī na.