Popular Bible Verses from Lūk 8

Share

Tenchu phil asāna āchul ngāi chu malung anzīka lē mandon asā adōna chong anngāia, asūrtita, phūkanchuola marā ansuo ngāi a ni u na.

Raling bila āchul ngāi chu chong a rangāi u na, a suok u na, tenchu ramuol nun andonna, neinung lē huina hēkna andonna ngāiin a hīp a, a mara u ngāi chu takanchang mak.

Lung chunga āchul ngāi chu chong a rangāi u na, rāisān taka a pom u na. Hiva ngāiin razung dōn u mak a. A iam tot u na, thēmna a hong āsuok le chu a chul u na.

A kōm u na, “Huo mo nei iam u na?” a tī na. Ā chi u na, a boidong u na, amāni lē amānī'n, “Hiva mī hi tū mo tāk? Thīnthī lē tī ngal chong ei pēk a, ei tel u hi!” a ti u na.

Lam sīra āchul ngāi chu chong anrangāi ngāi chu a ni. Tenchu diabol chu a hong a, amānī'n ei iam a, ei zōk u nōkna ranga, a malung u nātā hava chong ha a lāk viak a.

Asik chu anlang lui rang ītē ānthup om mak. Anriatlui rang lē anlang lu rang ānthup ītē om mak.

Hava nupangin ei ānthup lāi nōk tī a riat le chu, annōk chunga a hong a, a makunga anbok a, ei tōnna asik lē ei dam lenna chu mi ngāi dōra matona a puong a. Isuo'n a kōma, “Nāinupang, na rāi mansān ro. Nei iamnā'n a na mandam zei. Phūkdāia sē ro,” a tī na.

A kōm a sē u na, a va mathui u na, “Mīnchūpū, mīnchūpū, āthi rang nā ni zei hile!” a ti u na. Ama chu anthui a, phāivuo lē tiduar ansok chu ā ngō na. Hatuka a mong u na, a dāiruom u na.