Popular Bible Verses from Maatoosa 5

Share

Xomppe ayithii kara yez as ubbayis poo7oday garkk dhoqqa aqo gaddizapp attin ota gancce gaddizay baaya. Yey garkk asay yi lo77o oosa bi7ii, salo yez yi ada bonchchoday garkk yi poo7ay as tiina poo7o.

«Yi biittas poo7o; derell afa yez katamtta geemodayis danda7ooya.

Wozina geeshshitay anjjintteezita, u Xoossa be7ada.

Geeshshetith nayinttizitaynnee saaminttizitay anjjintteezita, u mizhoda.

Zin ta yinttis odiza; yi morkkita qadhdhoytta; yinttan qohizitayis woossoytta.

«Ayyanar manqqitay anjjintteezita, salo kaatetithay unttisii.

Iginthizitay anjjintteezita, u Xooss na7ita ginttinttii xeeginttoda.

Yeekkizitay anjjintteezita, u minthatho demmada.

Geesh bazis gi, bayi7inttizitay anjjintteezita, salo kaatetithay unttissii.

Maarizitay anjjintteezita, u maarotithi demmada.

«Asay yinttan ta gishos gi cazhii bayi7ii yinttal afa iita baz ubba worddor odiko yi anjjintteezita. Yi salo yhanigii ekkod woyitay damma maaqqeez gishos ufayttoytta, habba goytta. Yinttapp tiina yez nabita yhay garkk bayi7eeza.»

Haayitay anjjintteezita, u sa7a laattoda.

«Yi biittas maxine; maxine fa maxinettitha ashshiko, fa mal7ottitha wayizii mahii demmadee? Bale olin asar yedhinttodaypp attin abiskka maaddooya.

Yikkee, salo yez yi aday folo maaqqeeza ygarkk yinttikka folo maaqqoytta.»

Yey gishos, yi qaalay, ‹Ee› woy ‹Wa77a› maaqqo. Yeypp atteezay iitapp yi7iza.

« ‹Aafe gishos aafe; achch gishos achch› ginttintteeza yi si7eeza. Zin ta yinttis odiza; yinttal afa iita baz oothiz athakka ixxippate. Oonkka ne ushachch shanggala baqqiko ne haddiris shanggalakka beezoba.

Ne ushachchi aafay nena nagara beeziza maaqqiko, kessii oloba. Ne ashay kunthizin gaanname tama gancce wodhdhodaypp ne asetithayppe pettay dhabiko neess lo77o. Ne ushachch kushay nena nagara oothisiza maaqqiko, izo gachchii oloba. Ne gallay kunthizin gaanname tama gancce wodhdhodaypp ne asetithayppe pettay dhabiko, neess lo77o.