Popular Bible Verses from 1 KORINTUS 1

Share

Mingka nuba'ga injo ri lino inni, ripile ri Allataala laappakasiri' ri tau sara'deki injo, na nulamma injo ri lino inni, ripile ri Allataala laappakasiri' mange rinugassing injo

Saba' kareba passala salli' toje'i iamo kaba'gaang mange ri tulamate injo, mingka mae ri ditte tularipakasalama' inni kareba injo se'rei kagassingang ri Allataala.

Saba' nuba'ga battu ri Allataala la'bi sara'dekangi nanubattu ri rupatau na nulamma battu ri Allataala la'bi gassingangi nanubattu ri rupatau.

Allataala, tuakkeo' injo ri kaui mange ripassamaturukang surangang Ana'Na Isa Almase, Karaengta, injo mallangi.

Mingka nakke appiu'rangi ri kaui urang siana', saba' arenna Karaengta Isa Almase, solanna a'julu pauiko surang anda rie' pa'beserang ri kaui, mingka sibale'na solanna jarrekiko ripasse're-se'reang na a'julu ati surang pikkirang.

Riapai mae tau sara'deki injo? Riapai mae guru Tora' injo? Riapai mae tau a'bali battu injo ri lino inni? Gelejua Allataala maengi a'bua' kasara'dekang ri lino inni laa'jari kaba'gaang?