Popular Bible Verses from 1 KORINTUS 6

Share

Iyareka geleka muisse' ma'nassana batangkalemmu ngase' intu sapo Nyaha Tangkasa nuammari injo lalang ri kau, Nyaha Tangkasa numuuppa injo battu ri Allataala – na ma'nassana batangkalemmu gelemo kau opuna? Saba' kau maeng rihalli na maeng bajaramu ballinna: Injomo saba'na pakala'biri Allataala lalang ri kalemmu!

Iyareka geleika muisse' ma'nassana sikuanna tau gele adele gelei languppa dahuang lalang ri Pakkaraengang Allataala. Akolalo lingui! Tau Balere, pasomba barahala, pasangkili, bura'ne assurang paranna bura'ne, uranna tau anggeokang appakonjo, palukka', tau pakaha-kaha, pa'bengoang, papitina surang tau pakelo-kelo gele languppa dahuang lalang ri Pakkaraengang Allataala.

Pakaderelalo kalemmu battu rikabalerang! Sikonjo kadorakaang maraeng nulageokang injo rupatau, a'jari pantarang kalenna. Mingka tau anggeokang injo kabalerang dorakai mange ri kalenna to'jua.

Iangase'na hallala ri nakke, mingka gele iangase'na rie' matu-matunna. Sikuanna hallala ri nakke, mingka gele kupa'biang kalengku ripaa'jari ata manna ri apajua.

Allataala, tuappakaattallasa injo Karaeng Isa, laappakaattallasa todo'i ri ditte rikahasaNa.