Popular Bible Verses from YAHYA 10

Share

Palukka' intu rie'i laa'lukka' na lamunoi surang laappakala'busui; Nakke rie', solanna iangase'na nguppa tallasa, na rilauppana rie'i lalang rikasungguang.

Nakkemo pakalahaki toje'. Pakalahaki toje' intu lapassareangi nyahana mange risikonjo jimbala'na

Sikuanna jimbala'Ku lapilangngeri sa'rangKu na Kuisse' ngase'i na minahang ngase'i ri Nakke

na Nakkemo assare tallasa mannannungang mange ri iyai na iyai injo tantumu gelena lamate situlusu'na na manna se're tau gele rie' akkulle laalle battu ri limangKu.

Nakkemo babaang; inai jua antama' a'molong ri Nakke, ripasalama' na ia lansulu' antama'i surang lanrumpa'i parang ruku' pa'bikukkukang.

Nakkemo pakalahaki toje' na Kuisse'i sikonjo jimbala'Ku na sikonjo jimbala'Ku ngisse'i ri Nakke

AmmangKu, lapassareang ngase'i mae ri Nakke, la'bi bakkakang battu ri inai jua, na manna se're tau gele rie' akkulle laalle battu ri limanNa Amma. Nakke na Amma nuse're.”

assimpole Amma ngisse'i ri Nakke na Nakke ngisse' ri Amma, na Nakke a'ra'i Kupassareang nyahaKu mange risikonjo jimbala'Ku.

Gele rie' manna se're tau akkulle laalle battu ri Nakke, passangadinna Nakke assare assituru' a'ra' kale-kaleKu. Nakke kahasa assare na kahasa langalle muliang. Innimo parenta numaeng Kutarima injo battu ri AmmangKu.”

Kanara injomo Isa appaui pole, ”Sitoje'na Nakke appau ri kaui, Nakkemo babaang pamolongang risikuanna jimbala injo.

mingka se're intu tau pasaha'-sahala gele pakalahaki, na gele todo' ia opuna jimbala, rihattu rie'na asu borong lajanjang, labokoi ngase' jimbala'na ampai allari, jari asu borong injo lajakkalai na lapasia'-siarai jimbala lohe injo.

”Sitoje'na Nakke appau mange ri kaui: Inai antama' lalang ri bara jimbala nagele babaang lapa'lalangi, mingka ngambi'i ripa'lalangang maraeng, ia injo se'rei palukka' na se'rei parampo'