Popular Bible Verses from YAHYA 12

Share

Inai jua anjampangi ri Nakke, ia parallui minahang ri Nakke na ri anteea mae rie' ri injomu pajampangingKu laammari. Inai jua anjampangi ri Nakke, ia ripakala'biri ri Amma.

Inai jua lakatutui nyahana, latappela' nyahana, mingka inai jua gele lakatutui nyahana ri lino inni, ia lapiarai ritallasa mannannungang.

Sitoje'na Nakke appau mange ri kaui: Ampa lisere bae gandong inni gele a'dappe' naung ri tana, ia latulusu silisere'na; mingka ampa matei, ia laa'jari lohe bullere'na.

Nakke antama' ri lino inni assimpole sinara, solanna sikuanna tau tappa' injo ri Nakke gele ammari rikalammang.

Ampa rie' se're tau lapilangngeri pauKu, mingka gele lageokang, gele Nakke hakkinna, saba' Nakke rie' mae gele langadeli lino, mingka Kupakasalama'i.

Maeng injo ngalle Maria sitangnga katti minnya' narwastu ka'jala ballinna, ampai laminnyaki bangkenna Isa na uhu'na lapake allu'lu'; na honduna minnya' injo laganna'i sibatu sapo injo.

ngalle ngase'mu taha-taha nuriare' taha palem, na a'lampai laruppai Isa ampai a'gora-gora: ”Hosana! Ripakala'birimu Tubattu injo lalang arenna Allataala, Karaeng Israele!”

Appaui Isa mange ri iyai, ”Larapi'mu hattunna Ana' Rupatau laripakala'biri.