Popular Bible Verses from YAHYA 16

Share

Iangase'na injo Kupau mange ri kaui, solanna nguppaiko dame salehangang lalang ri Nakke. Lalang ri lino inni lasissaiko ripama'ri'-ma'risi, mingka pakasa'ga'i nyahamu, saba' Nakkemo ambeta lino.”

Mingka ampa Iamo rie', iamo intu Nyaha Katojekang, Ia laurangiko antama' risikonjo katojekang; saba' Ia gele appau battu ria'ra' kale-kalena, mingka sikonjo numaeng lalangngere injomo lalapau na Ia laappabattu mange ri kaui passala nularie' injo sallo'.

Sa'genna hattu inni, geleipako minang ngera lalang arengKu. Ngeraimoko lamutarimai, solanna sangka'i kate'neammu.

Mingka toje'i nuKupau inni mange ri kaui: Iamo intu la'bi riekang matu-matunna ri kaui, ampa Nakke a'lampa. Saba' ampa Nakke gelea a'lampa, Nyaha Paurang-urang injo gele todo'i larie' mange ri kaui, mingka ampa a'lampa, Nakke lassuro ri Ia mange ri kaui. Ampa Iamo rie', Ia laappiu'rangi lino rikadorakaang, katojekang na hukkungang

Appakonjo todo'i kau konni-konnina laappuko pa'risi, mingka laKujanjangi juapako pole surang late'ne atimu na gele rie' manna se're tau akkulle lapaari kate'neammu injo battu ri kaui. Rihattu injo geleiko akkuta'nangi mae ri Nakke. Sitoje'na Nakke appau mange ri kaui: Sikuanna numuera mange ri Amma, Ia lapassareangi mange ri kau lalang arengKu.

Sitoje'na Nakke appau mange ri kaui: Laapparau ngase'ko surang lassi'na-si'naiko, mingka larannu lino inni; lapa'risi nyahamu, mingka pa'risi'na nyahamu laminrai a'jari te'ne.