Popular Bible Verses from ROMA 10

Share

Saba' ampa babamu ngaku ma'nassana Isamo intu Karaeng, na tappa'i atimu ma'nassana Allataala maeng lapakaattallasai muliang battu ritangnga-tangngana tau mate inni, injo kau laripakasalama'.

Saba' lalang ri atina tau inni tappa' na ripa'naba, na lalang ri babana tau inni ngaku na ripakasalama'.

Jari, tappa' inni ammumbai battu rinurilangngere, na apa nurilangngere injo assala'na nubattu ripau passala'na Almase.

Saba' Kitta' Tangkasa appau, ”Inai jua tappa' mange ri Ia, gele laripakasiri'.” Saba' gele rie' passisalana tau Yahudi inni surang tau Yunani. Saba', Karaeng assimpolemo injo Karaeng mange risikuanna tau na ngamaseangi mange risikuanna tau akkeo' injo mange ri Ia. Saba', inai jua akkeo' mange ri arenna Karaeng, injo laripakasalama'i.

Na anteekamua tau inni akkulle laappala'bang ripassala'Na, ampa gelei risuro? Assimpole rie' ta'ukiri, ”Sanna' baji'na ririe'na mae tungerang injo kareba baji'!”

Mingka anteekamua tau inni laakkulle akkeo' mange ri Ia ri tau gele injopa lakatappaki? Anteekamua tau inni laakkulle tappa' mange ri Ia ri tugele injopa minang allangngere? Anteekamua laallangngere passala'na Isa, ampa tide' tau lapappauwangi passala'Na?

Saba' panyangkakinna hukkung Tora' iamo intu Almase, sa'genna kanabaang injo lauppai sikuanna tau tappa'.