Popular Bible Verses from Luke 9

Share

အင်းမာနောက်သယ် ကိုယ်တော်ကော ပရိသတ်သာပ်သယ် “ငါကာ တပည့်တော်ထာကာပ်ကား တီတ်ဆာတိုင်းငေါ ကိုယ်ကျိုးစွန့်နောကဲ့အယ် ကိုယ်ကာ လက်ဝါးကပ်တိုင်နယ် ကိုယ်တိုင်ဖေးcကဲ့အယ် ငါကာနောက်အား မာန်းရာပ်တိုင်း ရာပ်ရင်ငါဟီမ် ထာထော်ပ်ကား။

မဟာအောမ်ကယ်လိုးငေါနော ကိုယ်ကာ အသက်သယ် ကယ်လောကာပ်ကာ ဟီမ်နာပ်ကော ဆုံးရှုံးနောထော်ပ်ကား။ အင်းညယ်ငေါဝမ်ရီ ငါကာအတွက်နဲ့အယ် ကိုယ်ကာ အသက်သယ် စွန့်လွှတ်သောကားကာ ဟီမ်ငေါ နိစ္စထာဝရအသက်သယ် လုကား။

ကိုယ်တော်ကော “ထွန်တုံးနယ် အောမ်းကဲ့အယ် နောက်အာ ယူဟာမ်းဟာကာ့ ဟီမ်နာပ်ကော ဘုရားရှင်ငါ သာသနာတော်ပါအာ အမှုတော်အောမ်တီမ် ထိုက်တန်နို” ငေါကဲ့အယ် မိန့်နောမာ့။

နီမ်ငေါ ကမ္ဘာပေါ်ဝါးမာ့ အရာအားလုံးနယ် အုပ်စိုးပိုင်ခွင့်လူရီး နိစ္စထာဝရအသက်သယ် အလူဝမ်နော် မဟာအကျိုးငါကားသယ်။

နီမ်ငေါ ငါနောက် ငါကာ့ တရားစကားဖူမ်နယ် ညာမ်းပယ်လော်ဝမ်နော် တီတ်ဆာကာ့ဆာကော ဟီမ်ငါ ဘုန်းတန်ခိုးတော်၊ အဝါဘုရားရှင်ငါ ဘုန်းတန်ခိုးတော်နောက် မြင့်မြတ်သောကားကာ့ ဟမန်းနာပ်ကာ့ ဘုန်းတန်ခိုးတော်နောက်တူတူရယ် ကမ္ဘာမြေစုတ်အား ကြွဟာမ်းဟေကာ အချိန်နယ်ရီး နီမ်ငေါ ငါကာတပည့်တော်ဖူမ်ဟီပ်အို ငေါကဲ့အယ် ညာမ်းပယ်လော်ပ်ကာ။

အင်းမာချိန်နယ် ကိုယ်တော်ယေရှုကော “ကြည်ဆောဒ်သာပ်ပါအာကော် လင်းတီမ် ထွာမ်ငါမာ့၊ နူစ်နူဖူမ်ပါအာကော် ရှလက်ဖူမ်ငါမာ့။ အင်းညယ်ငေါဝမ်ရီ တီတ်ဆာကာ့ဆာပါအာကော် ဟလာမ်းချလောတီမ် နေရာဟာမ်းအပို” ငေါကဲ့အယ် မိန့်နောမာ့။

တပည့်လာပ်သယ် “ငါကာအတွက်နောက် အင်းကာဆဟာလည် လက်ခံနောကား ဟီမ်နာပ်ကော ငါလည်လက်ခံနောကားဟီမ် ထာမာ့။ ငါလည် လက်ခံနောကားဟီမ်ငေါ ငါလည်သာပ်လီကားကာ့ အရှင်နယ် လက်ခံနောကားဟီမ် ထာမာ့။ နီမ်ပါအာ ကိုယ်နောက်ကိုယ် နှိမ့်ချလောဟန်ဆုံး ဟီမ်ငေါ ဘုရားရှင်ငါမန်းနား အကြီးမြတ်ထာမ်ဆုံးထာမာ့” ငေါကဲ့အယ် မိန့်နောမာ့။