Popular Bible Verses from انجیلِ مَتی 7

Share

«باحایت، کِه وِ شِما دِئَه موئَه؛ بَجوریت، کِه پیا می‌کیت؛ بَکوئیت، کِه دَر وِ ریتُو واز موئَه؛

سی یَکه هَر کَه باحا، وِ دَس میارَه وَ هَر کَه بَجورَه، پیا می‌کَه، وَ هَر کَه بَکوئَه، دَر وِ ریش واز موئَه.

«پس هَر کَه ایی قِصَه‌یا مِه نِه بَشنُوئَه وَ وِ وِنُو عمل بَکَه، چی پیا دُونائی اَ كِه حُونَه خُوشِه ری بَرد بِنا کِرد.

پس وا مردِم هِه چِنُو رفتار بَکیت كِه می‌حایت وا شِما رفتار بَکَن. یِنَه‌آ خلاصَه تورات وَ نیسَنَه‌یا انبیا.

اما او دَر کِه وِ حیات خَتم موئَه تَنگ اَ وَ رَه‌ش سخت اَ، وَ تعدادِ کمی وَه نِه پیا می‌کَن.

«دِ دَرِ تنگ وارد بوئیت، سی یَکِه او دَری کِه وِ هِلاکَت خَتم موئَه، گَپ وَ رَه‌ش عَریض اَ، وَ وِنُونی کِه ایی رَه نِه مِی‌رَن شِمارِشُو زیاد اَ،

ایسِه اَر شِما وا همَه شِرارَتِتُو، دُونیت کِه بایِس وِ بَچُونِتُو چیا خو بِئیت، چَنی بیشتِر بُوَه شِما کِه ها دِ آسمُو، وِ وِنُونی کِه دِش باحان، چیا خو می‌وَخشِنَه.

«قضاوت نَكیت وَ قضاوت نِموئیت. هِه اوطور كِه قضاوت بَکیت، وِ شِما هَم قضاوت موئَه وَ وا هِه او پِیمُونَه کِه وزن بَکیت، وا هِه او پِیمُونَه عِوَض مِئی‌ریت.

«اما هَر کَه ایی قِصَه‌یا مِه نِه بَشنُوئَه وَ وِ وِنُو عمل نَکَه، هِه چی پیا نایُونی اَ كِه حُونَه خُوشِه ری رِیق بِنا كِرد.

سی چی پَرِ کَه نِه دِ چَشِ بِرارِت مِئینی، اما تِنَه درختِ مینِ چَشِ خُوتِه تشخیص نِمِئی؟ چطور تُونی وِ بِرارِت بُوئی، ”اجازَه بِه پَرِ کَه نِه دِ چَشِت دِرآرِم،“ وا یَکه تِنَه درخت دِ چَشِ خُوت داری؟

«دِ پِیغَمَریا دِروکِنی حَذَر بَکیت، وِنُو دِ جُومَه کُوَه‌یا میان وِ تِه شِما، اما دِ باطِه گرگ‌یا دِرَندَه‌آن. وِنُو نِه دِ میوَه‌یاشُو بَشناسیت. مَه اَنگیرِ نِه دِ بُتَه خار وَ انجیرِ نِه دِ عِلَفِ هَرز می‌چِنَن؟

هِه وِ ایی صورت، هَر دارِ خو میوَه خو وِ بار میارَه، اما دارِ گَن میوَه گَن.

دارِ خو نَتُونَه میوَه گَن وِ بار بیارَه، وَ دارِ گَن هَم نَتُونَه میوَه خو وِ بار بیارَه.

هَر داری كِه میوَه خو وِ بار نیارَه، بُرِسَه وَ دِ تَش وَنَه موئَه.