Popular Bible Verses from نامَه وَ کِلیسِی روم 10

Share

سی‌یِکِه اَر وَ زُوونِ خُوت اعتراف کِنی «عیسی خداوندِه» وِ مِنِه دلِ خُوت ایمون داشتَه بِی که خدا وِّ نَه وَ مُردِه‌یَل زِندَه کِه، نجات ایجوری.

سی‌یِکِه مِنِه دلِه که آیَم ایمون ایارِه وِ صالح وَ حساب ایا، وِ بِی زُوونِه که اعتراف ایکِنِه وِ نجات ایجورِه.

پَ، ایمون وَ اِشنُفتَن ناشی ایابو وِ اِشنُفتَن، وَ طریقِ کلامِ مسیح.

سی‌یِکِه کتابِ اشعیایِ پیغمبر ایگُ: «هرکه وَش ایمون بیارِه، سَرافکَندَه نیابو.» سی‌یِکِه مابینِ یهودی وِ غیرِیهودی هیچ فَرخی نی، سی‌یِکِه هَمو خداوند، خداوندِ هَمَه یَه وِ تَمومِ کَسَلی نَه که صیاش ایکِنِن، وَ فراوونی برکت اییِه. سی‌یِکِه «هرکه نومِ خداوندَ صیا کِنِه، نجات ایجورِه.»

وِ چطو موعظَه کِنِن، اَر بِسی نَوابون؟ هَموطو که مِنِه کتابِ اشعیایِ پیغمبر نوشتَه وابی‌یِه: «چه مَلوسِه پایَلِ کَسَلی که خَوَرِ خَشِ انجیلَه موعظَه ایکِنِن.»

پَ چطو کسی نَه صیا کِنِن که وَش ایمون ناوُردِنِه؟ وِ چطو وَ کسی ایمون بیارِن که وَتَه دَرمورِدِش نَشنُفتِنِه؟ وِ چطو بِشنِفِن، اَر کسی سیشون موعظَه نَکِنِه؟

سی‌یِکِه مسیح آخِرِ شریعتِه تا هرکه وَش ایمون بیارِه، صالح وَ حساب بیا.