Popular Bible Verses from نامَه وَ کِلیسِی روم 3

Share

سی‌یِکِه هَمَه گِنا کِردِنِه وُ وَ جلالِ خدا کم ایارِن، وِ بِی پیشکِشِ فیضِ خدا، وُ وَ واسطۀ خین‌بَهِی آزادی که مِنِه مسیحِ عیسی یَه، صالح وَ حساب ایان.

ای صالحی که وَ خدایَه وَ رَه ایمون وَ عیسی مسیح یَه وِ نصیبِ تَمومِ کَسَلی ایابو که ایمون ایارِن. درموردِ یِه هیچ فَرخی نی

خدا عیسی مسیح نَه وَ نَهاتَر مِی کفارۀ گِنایَل قرار دا، کفاره‌ای که وَ وسیلۀ خینِ عیسی وُ وَ رَه ایمون وَدَس بیا. یِه سی نِشون دایَنِ عدالتِ خدا بی، سی‌یِکِه مِنِه صبرِ الهیِ خُوش، وَ گِنایَلی که نَهاتَر اتّفاق اُفتایَه بی، چشم‌پوشی کِردَه بی. یِه سی یِه بی تا صالحیِ خِشَه مِنِه ای زمون نشون بییِه، تا وِّ خُوش عادل بو وِ کسی نَه هَم که وَ عیسی ایمون دارِه، صالح وَ حساب بیارِه.

سی‌یِکِه هیچ بشری بِی وَجا آوُردَنِ کارَلِ شریعت، مِنِه نظرِ خدا صالح وَ حساب نیا، سی‌یِکِه شریعت، گِنا نَه وَمون نِشون اییِه.

هَموطو که مِنِه کتابِ مقدس نوشتَه وابی‌یِه: «هیشکَه صالح نی، حتی یکی؛ هیشکَه فَهمییَه نی، هیشکَه وَ دینِ خدا نی. هَمَه وَ خدا ری وَرگَردُندِنِه، وِ هَمَشون بِی یَک باطل وابی‌یِنِه. هیشکَه خوبی نیکِنِه، حتی یکی.»

سی‌یِکِه ایما باوَر داریم که آیَم بی‌یِکِه کارَلِ شریعتَه کِنِه، وَ رَه ایمونِه که صالح وَ حساب ایا.

وَتَه نَه ایطورِه! حتی اَر تَمومِ آیَمَل دِروکُن بون، خدا راسگویَه! هَموطو که مِنِه مزمورِ داوود نوشتَه وابی‌یِه: «سی هَمیو، وختی گَپ ایزَنی، حق بِی تِنِه، وِ وختی داوری ایکِنی، زور ایابِی.»