Popular Bible Verses from نامَه وَ کِلیسِی روم 7

Share

شکرِ خدا بو - وَ واسطۀ خداوندِ ایما عیسی مسیح! پَ، مِ بِی فکرِ خُوم شریعتِ خدا نَه بَندِه‌ایی ایکِنُم، امّا بِی جسمِ خُوم شریعتِ گِنا نَه بَندِه‌ایی ایکِنُم.

سی‌یِکِه دونُم که مِنُم، یعنی مِنِه جسمُم، هیچ چییِ خوبی نیسی. سی‌یِکِه ایخوام اوچیئی نَه که دِرِسِه اَنجوم بییُم، امّا نیتَرُم اَنجومِش بییُم.

سی‌یِکِه او کارِ خوبَه که ایخوام، نیکِنُم، بلکم او کارِ بَدی نَه که نیخوام، هِی وَجا ایارُم.

ایسِه اَر کاری ایکِنُم که نیخوام اَنجومِش بییُم، دَ نَه مِنُم که او کارَ ایکِنُم، بلکم او گِنایی یَه که مِنُم منزل کِردِه.

پَ ای قانونَه فَمِسِمِه که وختی ایخوام خوبی کِنُم، بدی دَمِ دَسِمِه. مو مِنِه باطن وَ شریعتِ خدا کِیف ایکِنُم،

ایسو اَر کاری نَه ایکِنُم که نیخوام، پَ قبول ایکِنُم که شریعت خوبه.