Popular Bible Verses from اِنجیلِ مَتّی 10

Share

«مَن شِمِره گُوسَندِشانِ مِثان، وِرکِشانِ دِلِه روانه کانَم. پس مارِ مِثان با هوش و کَفتر مِثان بی آزار هَبین.

هَر کی بخواد خودِشِه زندگی رِه حِفظ هَکونه اونِه اَز دَس دَنه؛ وَلی هَر کی می خاطِری خودشه زندگی رِه اَز دَس هَدِه، اونه زندگی دَر اَمان ماندِنه.

اوشانِ جی که تَنِ کُشِنِن وَلی نتَّنَن روح رِه بَکوشَن، نَتِرسین. اونه جی بَتَرسین که تانه هَم تَن وهَم روح رِه، جَهَنَمِ دِلِه هَلاک هَکونه.

هر کی خودشه صَلیبِ نِگیرِه ومی دُمّال نییِه، می لایِق نیِه.

«پَس هر کی مَردُم وَرجه مَرِه موقور بییِه، من هَم می آسِمانی پیَره وَرجه اونه موقور هَنَم. وَلی هر کی مَردُمِ وَرجه مَرِه حَشا هَکونه، مَنَم می آسِمانی پیَرهِ وَرجه اونه حَشا کانَم.

مَریضان رِه شَفا هَدین، مُردِگان رِه زندهِ هَکُنید، جُذامیان رِه شفا هَدین وآلِشانه درگا هَکُنید. مُفت هَیتین، مُفت هَم هَدین.

پَس نَتِرسین؛ شیمی ارزش هزاران مَلیجی یه جی بیشتَرِه.

«گُمان نَکُنید بومَم تا آشتی زَمینِ سَر بیارِم. نومَم آشتی بیارِم، بلکه بومَم تا شَمشیر بیارِم!