Popular Bible Verses from اِنجیلِ مَتّی 6

Share

پس شُما اوَّل خُدایِ پادشاهِی یه دُمّال و اونه عدالت دُمّال دَبین، ایما تمام این چیزان شِمِره هَدَه بونه.

پَس، فَردایِ نِگَران نَبین؛ چون فَردا خودشه نِگَرانی رِه داره. اِمروزِ مُشکِلات اِمروزِ رَه بَسّه.

«پس شِمِره گونَم، شیمی زندگی یه وَسین نِگَران نَبین، که چی بُخارین و چی بَنوشین، وَ نَه شیمی تَن وَسین که چی دَکُنین، مَگِه زندِگی خوراک جی و تَن لِواسِ جی با اَرزِش نییِه؟

هَر وَخت تو دُعا کانی تی اُتاقِ دِلِه بوشو و دَرِ دَبِد و تیِ نَدیه پیَرِ ورجه دُعا هَکُن، تی آسمانی پیَر که تمام جا هَدِه چیزانِ دینه، تِرِه اَجر دَنه.

«پَس شُما اینجور دُعا هَکُنید: «اِی اَمیِ پیَر که آسِمانِ دِلِه دَری، تی نام مُقَدَّس هَبو. تی پادشاهی بییِه. تی خواسِّه هَمونجور که آسِمانِ دِلِه اِجرا بونه، زَمینِ سَر هَم اِجرا هَبو.

اَمیِ هر روزِه نانِ اِمروز اَمَرِه هَدِه.

اَمیِ خَطاها رِه ببَخش، هَمونجور که اَما هَم تی مِثان اوشانیکه اَمَرِه خَطا هَکُردَن رِه بَخشِنیم.

اَمَرِه آزمونِ دِلِه نیار، بلکه اَمَرِه شِیطانِ جی نِجات هَدِه.

«چون اَگِه شُما مَردُمانِ خَطا رِه بِبَخشین، شِیمی آسِمانی پیَر هَم شِمِره بَخشِنِه.

پَرندِه شانِ بِیِشین اوشان نه کارنَن، نه دِرو کانن و نه اَمبارِ دِلِه کوپا کانَن، با این وجود شیمی آسِمانی پیَر اوشانِ روزی رِه دَنه. مَگِه شِیمی اَرزِش اوشانه جی بیشتر نیِه؟

«شیمی گَنجِشان رِه زَمینِ سَر اَمبار نَکُنین، جایی که بید و جِرم اونه از بِین بَرنه و جایی که دُزِّشان هَنِن و گَنجِ دُزِّنِن. بلکه شیمی گَنجِشان رِه آسمانِ دِلِه اَمبار هَکُنید، جایی که نه بید زَنه، نه جِرم اونه از بِین بَرنه. جایی که دُزِّشان نییَنِن و نَدُزِّنَن. چون هَر جا تی گَنج دَرِه، تی دِل هَم اوجِه دَرِه.

«هیچ کَس نَتَّنِه دُتا اَربابِ خِدَمت هَکونه، چون یا اَوَّلی یه جی بیزارِه و دوّمی رِه دوس داره، وَ یا اوَّلی رِه وَفادارِ و دُوّمی رِه کوچِک شُماردِنه. شُما نَتَّنید هم خُدایِ پاکار هَبین و هم پولِ پاکار.

پَس اَگِه خُدا صَحرای واشِ که اِمروز دَرِه و فَردا تَنوره دِلِه تُووادِه بونه رِه، اینجور قَشَنگ کانه، شِمِره اِی سُست ایمانِشان خِیلی بِهتَر نَپوشاندِنِه؟

وَلی تو هَر وَخت صَدقِه دَنی، نُزار تی چَپِ دَس اونچه یه جی که تی راسِ دَس کانه خَبَردار هَبو. تا تی کُمَک جا هَدِه بُمانه و تی آسِمانی پیَر که جا هَدِه چیزانِ دینِه، تِرِه اَجر دَنه.

شِیمی حَواس دَبو شیمی خُجیرِ اعمالِ مَردُمانِ چِشمِ ورجه این نیَّت هَمرَه اَنجام نَدین که بِینَن و شیمی جی تَعریف هَکُنَن، چون اونوَخت اَجری شیمی پیَرِ وَر که آسِمانِ دِلِه دَرِه، نِدارید.

«وَختی روزِه گیرنی، دُرویانِ مِثان تِره زال بیاردِه نشان نَدِه. اوشان خودِشانِ قیافِه رِه عَوَض کانَن تا خودِشانِ روزِه داری رِه مردُمِ نِشان هَدِن. راس راسی شِمِره گونَم اوشان تمامِ خودِشانِ اَجرِ بِیتَن! وَلی تو وَختی روزِه گیرنی، تیِ سَرِ مو رِه روغَن بَزِن و تی دیمِ بَشور، تا مَردُم نِفَهمِن تو روزِه داری، بلکه فقط تی پیَر که پِنهانِ اونِه دانهِ، پیَری که هیچ چی اونه دیدِ جی قایِم نیِه تِره اَجر دَنه.