Popular Bible Verses from اِنجیلِ مَتّی 5

Share

هیچ کی لَمپا رووشِن نَکانده، كه اونِ سَرپوشِ بِن بییِلّه، بلکه اونِ لَمپائه پایهِ سَر اییِلنه تا اونایی که سِره دِله دَرِنه ره رووشِنایی هاده. همین طی بییِلین شِمه نور مَردِمِ پیش بَتابه تا شِمه خوارِ کارا ره بَوینِن و شِمه پییِرِ که آسِمونِ دِله دَره ره پَرَسِش هاکانِن.

«شِما دِنیائه نورِنی. نَوونه کوهِ سَرِ بِساته بَییه شَهرِ، قایِم هاکارد.

«خِش به حالِ اونایی که وِشونِ دِل پاکِ، چوون وِشون خِدا ره ویندِنه.

«خِش به حال اونایی که وِشنا و تِشنا اِنِنه، تا خِدائه جِم، صالِح بِشمارِسه بَووِن، چوون وِشون سیر بونِنه.

ولی مِن شِما ره گامبه شه دِشمِنونِ دوس دارین و اونایی که شِما ره ظِلم رِسِندِنه، وِشونِ وِسه دِعائه خِیر هاکانین.

«خِش به حالِ اونایی که روحِ دِله فَقیرِنِه چوون، آسِمونِ پادشاهی که خِدا وه حاکِمِ وِشونِ هَسه.

«خِش به حال اونایی که آشتی هِدائِنِ دِمبال دَرِنه، چوون وِشون خِدائه ریکا بااوته بونِنه.

«خِش به حال ماتِم بَزوها، چوون وِشون تَسِلّی گِرنِنه.

«خِش به حال اونایی که صالِح بَمونِسَنه وِسه، ظِلم ویندِنه، چوون آسِمونِ پادشاهی، که خِدا وه حاکِمِ وِشونِ هَسه.

«خِش به حال رَحیمون، چوون وِشون رَحم ویندِنه.

«خِشال بوئین اَگه مه خاطِری شِما ره بی حِرمَتی کاندِنه و ظِلم رِسِندِنِنه و شِما ره نا حَق، تِهمَت زَندِنِنه. خِشال بوئین و خَله شادی هاکانین، چوون آسِمونِ دِله شِمه اَجر زیادِ، چوون پِیغَمبِرونی که شِمه جِم قبلتر دَیینه ره هَم همین طی ظِلم رِسِندینه.

«خِش به حال فروتَنون، چوون وِشون دِنیا ره صاحاب بونِنه.

«شِما دِنیائه نِمِکِنی ولی اگه نِمِک شه مِزِه ره از دَس هاده، چی طی بونه اونِ اَت کَش دییه شور هاکانیم؟ دییه فایدِه ای نِدارنه، به جِز اون که بیرون دَشِندی بَووه و مَردِم اونِ لینگِ لو بَیرِن.

پَس شِما وِنه كامل بوئین هَمون طی كه شِمه آسِمونی پییِر كامل هَسه.

شِمه گَب فِقَط اَره یا نا بوئه. ویشتَر از این، شَریرِ جِم هَسه.

«بِشنُسِنی كه بااوتِنه:' چِش چِشِ عَوِض و دَندون، دَندونِ عَوِض.' ولی مِن شِما ره گامبه بَدِ آدِمِ روب رو اِیست نَکِنین و هر کی تِ راسِ دیمِ چَک بَزو، شه اون وَرِ دیمِ هَم وه سَمت بَردِگاردِن.

پَس اَگه تِ راسِ چِش باعِث بونه گِناهِ دِله دَکِفی، اونِ دَر بیار و دِم هاده؛ چوون تِ وِسه بِهتَرِ یِتا عضوِ شه تَنِ از دَس هادی تا این که تِمومِ شه تَنِ هِمراه جَهَنِمِ دِله دِم هِدا بَووی. اَگه تِ راسِ دَس باعث بونه گِناهِ دِله دَکِفی، اونِ بَورین و دِم هاده؛ چوون تِ وِسه بِهتَرِ یِتا عضوِ شه تَنِ از دَس هادی تا این که تِمومِ شه تَنِ هِمراه جَهَنِمِ دِله دِم هِدا بَووی.