Popular Bible Verses from انجیلِ لوقا 3

Share

همُّن تعمید ایگَتَنه پَش، عیسی نی تعمیدش بِگَت و دُعاش کردَی که آسمان آبه و روح القدوس، کوتَر شارین چُو سر نازل ببِه، آسمونَ دَ صَصی بومه «تَه چمن عزیزه زایش، از اِشتَ دَ پِر راضیم.»

یحیی چون جواوِش هِمنه بِدا: «اَز شَماهون آوییَم تعمید دیم، امّا کسی آ که چِمِنَ قویتره و اَز لیاقت نِدارم چُو پای جارِ بَنده آکَرم. اَو شَماهون خدا مقدسه روح و آتشییَم تعمید دی.

اِشتنییَم موایو که: ”چما جَد ابراهیم پیغمبره.“ شَما را وام که، خدا قادره ام سِگونَ دَ ابراهیم را نسلی وجود بایره. پس توبه بِکراه و اَعمالی انجام بِدیا که نشون بدی توبه رون کَرده.

حتی هَنِنه تِبَرِ، دارون بِن ناینده و هر داری که چاک میوه مَدییَه، ایبِرِنده و آتش دَلَ فر دینده.»

درباره اَم اِشَعیای پیغمبر کتابَ نیویشته بیاسه که: «مردکی بیابانَ دَ جِیکیلییَم واتشَی ”خداوند راه، چو را آماده بِکَراه! چو راهون دوز بکرا! همه ی دَرَه‌ مَشت و همه ی کوه و تپه‌ هموار ببینده؛ کَجَ راهون، راست ، و چالهَ چوله راهه، هموار ببینده. اُخُری همَّه ی مردم، خدا نجاته وینندِه.“‌»