Popular Bible Verses from اِنجیل مَتّی 19

Share

امّا عیسی اَوون دَیشتَه و واتِشه: «اِم کار اِنسانی را غِیر ممکِنَه، امّا خِدا را همه چی مُمکِنه.»

بَس اَوِن دِ، دِ گِله بَدن نینَه بَلكَم ایلَه بَدنی نَه، بَس اَ چی که خِدا پیوند دوعَشَه، اِنسان جِدا آمَکَرِه.»

عیسی جَواو دوشَه: «بَگم توراتی کا خَندَرون نی، کسی که اَوون خلق کَردِشه، صِفته نهَ ”اَوون مِرد و ژِن خَلق کَردِشه“، و واتِشه که: ”اِمی واسی، مِرد اِشتَن دَده نَنه کا جِدا آبو، اِشتَن ژِنی دَچیکه و اَ دِ نفر ایلَه بَدَن آبون“؟

امّا عیسی واتِشه: «بِدارَه روکه خِردَنِن بان چِمِن وَر و چَوون ناری مَگِرَه، چوم آسِمونی پاُتشایی اِنتَه رَه کَسونی شِنَه.»

امّا وِر کَسِن که اوّلین اِستینه آخِرین بَبین، و آخِرینِن اوّلین بَبین!

و هَر کسی چِمِن نومی واسی اِشتَن کَ یا بِرا اون، یا اِشتَن خالا اون، یا اِشتَن دَده نَنه، یا خِردَنون و یا اِشتَن مِلک اَملاکی وِل آکَردَش بِبو، چَیی صد برابری ویگِرِه و اَبَدی یَه زِندگی بِه اِرث بَبَردی.

عیسی اَیی نَه واتِشه: «اَگم پیستِرَه كامِل بِبی، بِش و هَر چیی که هِستِرَه بِخرَش و چَیی پولی آدَه فُقَرا تا آسِمونی کا گنج بِداری. دومله بِری و بَه مِن کا پِیرَوی بِکَه.»

عیسی اَیی نَه واتِشه: «چیرا چاکَه کاری درباره بَه مِن کا دَفَرسی؟ فقط خِدا چاکَه. اَگم پیستِرَه اَبَدی یَه زندگی دیلَه دَشی، خِدا اَحکامی اَنجام بِدَه.»

هَنی شِمَه نَه بَواتیم كه دَوَه دَوییَرده دَرزِنی خِلَه کا راحتتَرَه تا اِم که ایلَه ثیروتمندَه آدَم، دَشو خِدا پاُتشایی دیلَه.»

شِمَه نَه بَواتیم، هَر کسی اِشتَن ژِنی زِنا غِیراز، دییَر چیی واسی طلاق بِدَه و دییَر ژنی بِبَرِه، زِنا کَردَشه.»

اَ موقع عیسی اِشتَن شاگِردون نَه واتِشه: «حقیقتن شِمَه نَه بَواتیم، که ایلَه ثیروتمندی را وِر چَتینَه که آسِمونی پاُتشایی دیلَه دَشو.