Popular Bible Verses from ယောဟန် 2

Share

ဗွေႏ​ယေ​သျု​မာꩻ​နယ် ထာꩻ​အံႏ​ဖြာႏ​ခ​ရာႏ နိ​မိတ်​လ​က္ခ​ဏာႏ ကာ​လိ​လဲ​ခမ်း၊ ဝေင်ꩻ​ကာ​န​ကို​ယို​နဝ်ꩻ ထွာ​အ​ရီး​သွတ်ꩻ​လဲင်ႏသွူ။ နဝ်ꩻ​ကို​နဝ်ꩻ ဝွေꩻ​ဗွေႏ​ဖေါႏနယ် ဝွေꩻ​ဗွေႏ ဘွုန်ꩻ​သ​ရေႏ​တောႏ​တဲင် ဝွေꩻ​ဗွေႏ တ​ပဲ့​တောႏ​ဖုံႏ​နဝ်ꩻ ယွုမ်း​စွဉ်ႏ​ဝွေꩻ​ဗွေႏ​သွူ။

ဗွေႏ​ယေ​သျု လဝ်း​ချာ၊ “​အီႏ​မာꩻ​ဗာႏ​တ​မုဲင်ꩻ​နဝ်ꩻ နာꩻ​တအဝ်ႏ​လိုႏ​ဒေါ့ꩻ​တဝ်း​ခွေ။ ခွေ​အ​ချိန်ႏ တ​တွိုႏ​တဝ်း​ဒွိုန်း” နုဲင်း​နဝ်ꩻ​သွူ။

ဗွေႏ​ယေ​သျု ဒေါ့ꩻ​ဖေႏ​သွဉ်း​ဖုံႏ၊ “​ထီ​ဖွိုင်ꩻ​အဲင်ႏ​ဖုံႏ​ယို​နဝ်ꩻ သော့ꩻ​ဗွေ​ဗွေ​ထီ​ဟုဲင်း” နုဲင်း​နဝ်ꩻ​တဲင် ဝွေꩻ​သီး​သော့ꩻ​ဗွေ ဗꩻ​စွဉ်ႏ​အ​ငွါ​နဝ်ꩻ​သွူ။ နဝ်ꩻ​မꩻ​ဝွေꩻ​ဗွေႏ ဒေါ့ꩻ​ဖေႏ​ဝွေꩻ​သီး၊ “​ယို​ခါ ဗွိုန်ႏ​ထန်ႏ​ထီ​နဝ်ꩻ ယင်​ဟန်ႏ​တွော့ꩻ ဖေႏ​သွော့​ပါꩻခို ပွယ်ꩻ​ထိန်ꩻ​သား​နဝ်ꩻ​ဟုဲင်း” နုဲင်း​နဝ်ꩻ​သွူ။ ထီ​နဝ်ꩻ ဝွေꩻ​သီး ထူႏ​လွေꩻ​ဖေႏ​စွဉ်ႏ ဝွေꩻ​သွူ။

ဗွေႏ​ယေ​သျု​လဝ်း​ချာ၊ “​မာꩻ​ပြင်ꩻ​လင်ꩻ​ထိုꩻ ဗိ​မာန်ႏ​တောႏ​ကျောင်ꩻယို​တဲင် သွံ​နီꩻ​ယံꩻ​တွင်ꩻ ခွေ​အီႏ​တယ်ႏ​ဟဝ်​ချာ ဖျင်​ယင်း” နုဲင်း​နဝ်ꩻ​သွူ။

နဝ်ꩻ​မꩻ စွဉ်ႏ​တ​ဖြွီꩻ​ဖုံႏ ဝွေꩻ​ဗွေႏ​မာꩻ ခွဉ်း​တွဲႏ​တ​လီး​တဲင် ဝါး​ထန်ႏ​ထိုꩻ သွိုꩻ​ဖုံႏ​စွဉ်ႏ ဖိုး​ဖုံႏ ဗိ​မာန်ႏ​တောႏ ကျောင်ꩻ ကောင်း​ထန်ႏ​သွူ၊ နွန်ႏ​ဝန်​ထိုꩻ​စွဉ်ႏ ရွဉ်​လုဲင်ႏ​ခွုံႏ​ဖုံႏ​တဲင် မာꩻ​လီ​လာ​ထိုꩻ​စွဉ်ႏ ဝွေꩻ​သီး​ရွဉ်​ယွဲ ဒင်္ဂါꩻ​ဗီႏ​ဖုံႏ​နဝ်ꩻ​သွူ။ လိုꩻ​က​စာ​ဒါႏ ဝါး​ကွူ​ဖုံႏ​နဝ်ꩻ ဝွေꩻ​ဗွေႏ​မိန်း၊ “​ယို​ဖုံႏ​နဝ်ꩻ ထူႏ​ထန်ႏ​ထိုꩻ​ခန်း ကောင်း​ထန်ႏ​ဟုဲင်း။ နီ​ဖါ​လမ်း​နဝ်ꩻ တွမ်ႏ​မာꩻ​မွိုန်း ဆေꩻ​ခင်ႏ​လမ်း​ဟုဲင်း” နုဲင်း​နဝ်ꩻ​သွူ။