Popular Bible Verses from لوقا 17

Share

وقلُّو يسوع: قوم ورُوْح وكمّل طريقك إيمانك نجّاك.

وإذا غلط في حقك سبع مرات في اليوم ورجع لعندك سبع مرات وقلّك: أنا بتوب، سامحه.

وفي واحد من العشرة بعد م شاف أنو شِفي رجع لعند يسوع وصار يمجد الله بصوت عالي وركع ع وِجِّو عند إجرين يسوع وصار يشكرو. وكان الزلمة سامري.

ديرو بالكو. إذا غلط أخوك وبخو وإذا تاب سامحو.

رد يسوع وقال: مش عشرة شِفيو من البـرص؟ طيب وين التسعة التانيين؟

فقلهن: لو في عندكو إيمان قد حبة خردل وقلتو لشجرة الجميـزة هاي انقلعي من شروشك وانزرعي في البحر فرح تطيع كلامكو.

اللي بدو يكسب حياتو بضحي فيها واللي بضحي فيها هو اللي بحافظ عليها.

وقال يسوع لتلاميذُه: أكيد رَح تيجي التجارب اللي بتوقِّع الناس في الخطية بس يا ويلو اللي بتيجي التجارب عن طريقو. أحسنلو إنو يعلقو ع رقبتو حجر الطحن الكبير ويرموه في البحر من إنو يُضر إيمان واحد من هدول الزغار.

ومتِل مَ صار في أيام نوح هيك كمان رَح يصير في أيام ابن الإنسان. كانوا يوكلو ويشربو ويجوَزو ويتجوزو لحد م أجا اليوم اللي فات فيه نوح ع السفينة وأجا الطوفان ودمّر كل إشي.