Popular Bible Verses from متى 5

Share

ولا منضوي النور ومنخبيه لازم يكون عالي عشان ينوّر لكل الناس اللي في البيت. فخلي نوركو يشع قدام الناس عشان يشوفوا أعمالكو الـمنيحة ويعظمو أبوكو اللي في السما.

إنتو نور العالم. منقدرش نخبي مدينة مبنية عجبل.

نيالهن إللّي قلوبهن نظيفه لأنهن راح يشوفو الله.

نيالهن الـجوعانيـن والعطشانيـن للعدل لأنهن راح يشبعو.

بس أنا بقولكو حبو أعداءكو وصلوا عشان إللي بدايقوكو.

نيالهن الـمحتاجيـن في الروح لأنو نصيبهن مملكة السما.

نيالهن إللّي بيعملو السلام لأنهن راح يسموهن أولاد الله.

نيالهن الحزنانيـن لأنهن راح يتشجعو.

نيالهن الـمطرودين عشان العدل لأنو نصيبـهن مملكة السما.

نيالهن اللي بيرحمو غيرهن لأنو ربنا راح يرحمهن.

نيالكو إذا هانوكو ولاحقوكو وحكو عليكو بالشر عشاني. انبسطو وكيفو لانو جائزتكو كبيـره في السما. هيك عذبو الأنبيا اللي كانو قبلكو.

نيالهن الـمسالـميـن لأنهن راح يورثو الأرض.

إنتو ملـح الأرض، بس إذا الـملـح فقد طعمو بإيش الواحد بدّو يملـّح؟ بنفعش هذا الملح لإشي عشان هيك راح نـزتُّو بره وراح يدعسو عليه الناس.

عشان هيك كونو كاملين مثل ما أبوكو السماوي كامل.

احكي بدون ما تحلف، وخلي كلامك يا آه يا لأ. وكل إشي زيادة هو شر من الشيطان.

سمعتو إنو قالو: عين بعين وسن بسن. بس أنا بقولكو تُكونوش عنيفين مع الأشرار، بالعكس إللي بضربك عخدك اليمين درلو الخد التاني.

عشان هيك إقلع عينك اليميـن إذا بتخليك تخطي وإرميها بعيد لأنو أحسنلك تخسر عينك من إنو تخسر كل جسمك في جهنم. وإقطع إيدك اليمين إذا بتخليك تخطي وإرميها بعيد لأنو أحسنلك تخسر إيدك من إنو تخسر كل جسمك في جهنم.