Popular Bible Verses from اوّلِ قُرِنتیا 2

Share

مگم امُو رقم که دَ کِتابِ مُقَدَّس نوِشته یَه: ”چِیزی ره که هیچ چِیم نَدِیده و هیچ گوش نَشِنِیده و دَ فِکرِ اِنسان نَگشته، امُو چِیز ره خُدا بَلدِه دوستدارای خُو مُهَیا کده.“

مگم اِنسانِ نَفسانی حقِیقتای روحِ خُدا ره قبُول نَمُونه، چُون بَلدِه ازُو لَوڈگی اَسته و اُو نَمِیتنه که اُونا ره پَی بُبره، چراکه اُونا دَ وسِیلِه روح تَشخِیص مُوشه.

خُدا امی چِیزا ره دَ وسِیلِه روح اُلقُدس بَلدِه ازمو بَرمَلا کده، چُون روح اُلقُدس تمامِ چِیزا ره کُنج-و-کاو مُونه، حتیٰ غَوُجی های رازِ خُدا ره.

مو ام روحِ دُنیا ره از خود نَکدے، بَلکِه روحی ره از خود کدے که از خُدا اَسته تا چِیزای ره که خُدا دَز مو بخشِیده بِدَنی.

و پَیغام و موعِظِه مه قد تورای قانِع کُنِنده و پُر حِکمت قَتی نَبُود، بَلکِه قد اِظهارِ روح اُلقُدس و قُدرت شی بیان شُد تا ایمان شُمو دَ بَلِه حِکمتِ اِنسان اُستوار نَبَشه، بَلکِه دَ بَلِه قُدرتِ خُدا.