Popular Bible Verses from اعمالِ رسُولا 16

Share

اُونا دَ جواب شی گُفت: ”دَ مَولا عیسیٰ ایمان بَیرُو و تُو و پگِ خانَوار تُو نِجات پَیدا مُونِید.“

نزدِیکای نِیمِ شاو پولُس و سِیلاس مَشغُولِ دُعا-و-مُناجات بُود و دَ پیشگاهِ خُدا سرُودِ حمد-و-ثنا میخاند و دِیگه بَندی​ها گوش مُوکد که اولغَتله زِلزِلِه شَدِید شُد و بَندی‌خانه ره از تادَو شی شور دَد. دَ امزُو لَحظه تمامِ درگه های بَندی‌خانه واز شُد و زنجِیر-و-زَولانِه پگِ بَندیا ایله شُد.

و اُونا ره بُرو بُر کده گُفت: ”بادارای مه، ما باید چِیز کار کنُم تا نِجات پَیدا کنُم؟“

وختِیکه قومَندانِ بَندی‌خانه بیدار شُد و درگه های بَندی‌خانه ره واز دِید، گُمان کد که بَندیا دُوتا کده؛ پس شمشیر خُو ره کشِید که خود ره بُکُشه. مگم پولُس دَ آوازِ بِلند گُفت: ”خود ره اَوگار نَکُو! پگ مو امِینجی اَستی.“