Popular Bible Verses from لُوقا 10

Share

اینه، ما دَز شُمو قُدرت-و-اِختیار دَدیم که دَ بَلِه مار ها و گژدُم ها لَغه کُنِید و دَ بَلِه تمامِ قُدرت های دُشمو زور بَشِید؛ و هیچ چِیز دَز شُمو ضرَر رَسَنده نَمِیتَنه.

مگم عیسیٰ دَ جواب شی گُفت: ”مَرتا، مَرتا! تُو دَ وسِیلِه چِیزای کَلو هُوشپَرَک و وَرخطا مُوشی، لیکِن فقط یگ چِیز لازِم اَسته؛ و مریَم امُو حِصِّه خُوب ره اِنتِخاب کده که ازُو گِرِفته نَمُوشه.“

اُو دَ جوابِ عیسیٰ گُفت: ”خُداوند، خُدای خُو ره قد تمامِ دِل و تمامِ جان و تمامِ قُوَت و تمامِ عقل خُو مُحَبَت کُو و همسایِه خُو ره رقمِ خود خُو اَلّی دوست دَشته بَش.“

پیش از رَیی کدو اُو دَزوا گُفت: ”حاصِل کَلو اَسته، لیکِن کارگر کم. امزی خاطر از صاحِبِ حاصِل خاهِش کُنِید که کارگرا ره بَلدِه جم کدونِ حاصِل خُو رَیی کُنه.

آلی دَ نظر تُو کُدَمِ امزی سِه نفر همسایِه امزُو آدم بُود که دَ دِستِ دُزا اُفتَدُد؟“ عالِمِ شریعت گُفت: ”امُو کسی که دَزُو دِلسوزی کد.“ اوخته عیسیٰ دَزُو گُفت: ”بورُو، تُو ام امُو رقم کُو.“

حَرکت کُنِید. اینه، ما شُمو ره مِثلِ باره‌گو دَ مینکلِ گُرگا رَیی مُونُم.