Popular Bible Verses from مَرقَس 13

Share

از خاطرِ نامِ ازمه تمامِ مردُم از شُمو بَد مُوبره، مگم هر کسی که تا آخِر صَبر-و-حَوصِله کُنه، نِجات پَیدا مُونه.

پس هُوشیار و بیدار بَشِید، چُون شُمو نَمِیدنِید که اُو زمان چی وخت مییه.

پس هر وختِیکه شُمو ره دِستگِیر کده تسلِیم مُونه، پیش از پیش غُصّه نَکُنِید که چی بُگِید، بَلکِه هر چِیزی که دَ امزُو غَیت دَز شُمو دَده مُوشه، امُو ره بُگِید، چراکه توره‌گوی شُمو نِیَستِید، بَلکِه روح اُلقُدس اَسته.

آسمو و زمی از بَین موره، ولے کلامِ ازمه هرگِز از بَین نَموره.

دَ بارِه امزُو روز و ساعت هیچ کس نَمِیدَنه؛ نَه ملایکه ها دَ آسمو و نَه ام باچه، بَلکِه فقط آتِه آسمانی مِیدَنه و بس.

وختِیکه دَ بارِه جنگ ها و خبرِ جنگ ها مِیشنَوِید وَرخطا نَشُنِید؛ اِی واقِعه ها باید رُخ بِدیه، لیکِن آخِر زمان هنوز نَرسِیده.

پس بیدار بَشِید، چُون شُمو نَمِیدنِید که صاحِبِ خانه چی وخت پس مییه، دَ وختِ شام یا دَ نِیمِ شاو، دَ وختِیکه خرُوس بَنگ مِیدیه یا دَ وختِ روز واز شُدو. نَشُنه که اُو بےبلغه بییه و شُمو ره دَ خاو بِنگره. چِیزی ره که دَز شُمو مُوگُم، دَ پگ مُوگُم: بیدار بَشِید!“

چُون یگ قَوم دَ ضِدِ قَومِ دِیگه و یگ مَملَکَت دَ ضِدِ مَملَکَتِ دِیگه باله مُوشه و زِلزِله ها دَ جای های مُختلِف رُخ مِیدیه و قحطی ها مییه. اِی چِیزا شُروعِ دَردِ زَیدو اَسته.

و اوّل باید خوشخبری دَ تمامِ قَوم ها اِعلان شُنه.

غَدر کسا دَ نامِ ازمه مییه و مُوگیه، ’ما امُو اَستُم،‘و غَدر کسا ره گُمراه مُونه.

مگم شُمو خود ره اِحتیاط کُنِید، چراکه شُمو ره دَ محکمه ها تسلِیم مُونه و دَ عِبادت خانه ها قَمچی مِیزَنه و شُمو بخاطرِ ازمه دَ پیشِ والی ها و پادشایو ایسته مُوشِید تا بَلدِه ازوا شاهِدی بِدِید.

چراکه مسیح های دروغی و پَیغمبرای دروغی بُر مُوشه و مُعجزه ها و چِیزای عجِیب انجام مِیدیه تا اگه اِمکان دَشته بَشه، حتیٰ اِنتِخاب شُده ها ره گُمراه کُنه.

مگم دَ امزُو روزا، بعد امزُو رَنج-و-مُصِیبت، آفتَو ترِیک مُوشه و ماه روشَنی خُو ره نَمِیدیه، سِتاره ها از آسمو تاه موفته و قُدرت های آسمونا تکان مُوخوره.