Popular Bible Verses from مَرقَس 16

Share

اوخته اُو دَزوا گُفت: ”دَ تمامِ دُنیا بورِید و خوشخبری ره دَ تمامِ مخلُوقات اِعلان کُنِید.

و اینیا نشانی های اَسته که ایماندارا قد خُو دَره: اُونا دَ نامِ ازمه جِنیات ره بُر مُونه، دَ زِبونای نَو توره مُوگیه، مار ها ره قد دِستای خُو باله مُونه و اگه زارِ کُشِنده ره وُچی کُنه دَزوا کُدَم ضرَر نَمِیرَسَنه و اُونا دِستای خُو ره دَ بَلِه ناجورا میله و اُونا جور مُوشه.“

هر کسی که ایمان میره و غُسلِ تعمِید مِیگِیره نِجات پَیدا مُونه، مگم هر کسی که ایمان نَمیره، اُو محکُوم مُوشه.

و یارا بُرو رفته خوشخبری ره دَ هر جای اِعلان مُوکد و دَ عَینِ حال مَولا قد ازوا کار مُوکد و کلام خُو ره قد مُعجزه های که انجام مُوشُد، تصدِیق مُوکد.]

مگم اُو دَزوا گُفت: ”بِیم نَکُنِید، شُمو عیسای ناصِری ره مُوپالِید که دَ صلِیب میخکوب شُد. اُو دُوباره زِنده شُده؛ اُو دَ اِینجی نِییه. اینه، اِی جایی اَسته که اُونا اُو ره دَ اِینجی ایشتُد.

وختی اُونا توخ کد، دِید که امُو سنگِ کٹه از دانِ قبر لول دَده شُده. امی که اُونا دَ قبر داخِل شُد، یگ آدمِ جوان ره دِید که چَپَنِ سفید دَ جان شی بُود و طرفِ راست شِشتُد و اُونا بِیم کد.