Popular Bible Verses from رُومیا 11

Share

چُون تمامِ چِیزا ازُو، دَ وسِیلِه ازُو و بَلدِه ازُو اَسته. اُو ره تا اَبَداُلاباد بُزُرگی-و-جلال باد. آمین.

آه، که حِکمت و دانایی خُدا بےاندازه غَوُج اَسته! چِیقَس کُنج-و-کاوناپذِیر اَسته قضاوَت های ازُو و چِیقَس دُور از پَی بُردو اَسته راه های ازُو!

”چُون کِی اَسته که فِکرِ خُداوند ره فامِیده بَشه؟ یا کِی اَسته که مُشاوِر ازُو بُوده بَشه؟“

پس امی رقم دَ زمانِ حاضِر ام یگ تِعداد باقی مَنده که دَ وسِیلِه فَیض اِنتِخاب شُده. و اگه اِی اِنتِخاب دَ وسِیلِه فَیض اَسته، دِیگه مربُوطِ اعمال نَمُوشه؛ اگه نَه، فَیض دِیگه فَیض گُفته نَمُوشه.

لیکِن اگه بعضی شاخچه های اَصلی بُرِیده شُد و تُو که یگ شاخچه زَیتُونِ خودرُوی بُودی دَ جای ازوا پیوَند شُدی و دَ رِیشه و چربی دِرختِ زَیتُون شرِیک شُدی، دَ بَلِه امزُو شاخچه ها فَخر فروشی نَکُو. اگه فَخر فروشی کنی، دَ یاد خُو دَشته بَش که تُو رِیشه ره اُستوار نِگاه نَمُونی، بَلکِه رِیشه تُو ره اُستوار نِگاه مُونه.