Popular Bible Verses from رُومیا 13

Share

بَلکِه خودون ره قد مَولا عیسیٰ مسیح بُپوشَنِیدو بَلدِه پُوره کدونِ خاهِشاتِ جِسم هیچ آمادگی نَگِیرِید.

از هیچ کس چِیزی قرضدار نَبَشِید، بغَیر ازی که یگدِیگِه خُو ره مُحَبَت کُنِید؛ چُون کسی که یگِ دِیگه ره مُحَبَت کُنه، اُو شریعت ره دَ جای اَوُرده.

هر کس باید تابِع قُدرت های صاحِبِ اِختیار بَشه، چُون هیچ قُدرَتی نِیَسته که از طرفِ خُدا نَبَشه و قُدرت های ام که وجُود دَره، اُونا دَ وسِیلِه خُدا مُقَرر شُده.

شاو تقرِیباً تیر شُده و روز نزدِیک اَسته. پس، بیِید که کارای ترِیکی ره از خود بُر کنی و زِرِه نُور ره بُپوشی.

مُحَبَت کُنِنده دَ همسایِه خُو بَدی نَمُوکُنه؛ امزی خاطر مُحَبَت تکمِیل کُنِندِه شریعت اَسته.

پس دَ هر کس هر چِیزی ره که حقدار شی اَسته بِدِید: باج ره دَ حقدارِ باج، مالیه ره دَ حقدارِ مالیه، اِحترام ره دَ حقدارِ اِحترام و عِزَت ره دَ حقدارِ عِزَت.