Popular Bible Verses from رُومیا 4

Share

اُو دَ وعدِه خُدا شک نَکد که بےایمان شُنه، بَلکِه دَ ایمان خُو قَوی شُده خُدا ره حمد-و-ثنا گُفت و یقِینِ کامِل دَشت که خُدا چِیزی ره که وعده کده اُو قُدرتِ پُوره کدون شی ره ام دَره.

امُو رقم که نوِشته یَه: ”ما تُو ره بابه‌کَلونِ مِلَّت های کَلو جور کدیم.“ دَ حُضُورِ خُدای که اِبراهِیم دَزشی ایمان اَوُرد، ایمان مُهِم اَسته، دَ حُضُورِ امزُو که مُرده ها ره زِنده مُونه و چِیزای ره که هیچ وجُود نَدره، دَ وجُود میره.

مَولا عیسیٰ بخاطرِ گُناه های ازمو دَ مَرگ تسلِیم شُد و بخاطرِ عادِل حِساب شُدونِ ازمو دُوباره زِنده شُد.

اُو دَ حالِیکه نااُمِید بُود اُمِید کده ایمان اَوُرد تا بابه‌کَلونِ مِلَّت های کَلو شُنه؛ امُو رقم که گُفته شُدُد: ”اَولادِه تُو اینی رقم کَلو مُوشه.“

دَ امزی دلِیل وعده از راهِ ایمان حاصِل مُوشه تا دَ مُطابِقِ فَیض بَشه و بَلدِه تمامِ اَولادِه اِبراهِیم تضمِین شُنه، نَه تنها بَلدِه کسای که تابِع شریعت اَسته، بَلکِه امچُنان بَلدِه کسای که شرِیکِ ایمانِ اِبراهِیم اَسته، چُون اُو آتِه پگ مو اَسته،

”نیک دَ بَختِ کسای که خطاهای ازوا بخشِیده شُد و گُناه های ازوا پوشَنده. نیک دَ بَختِ کسی که خُداوند گُناهِ ازُو ره دَ حِساب شی نَمیره.“

چُون نوِشتِه مُقَدَّس چی مُوگیه: ”اِبراهِیم دَ خُدا ایمان اَوُرد و اِی بَلدِه ازُو یگ عملِ عادِلانه حِساب شُد.“